Diferencia entre revisiones de «Cofradía del Descendimiento de la Cruz y Lágrimas de Nuestra Señora»
Contenido eliminado Contenido añadido
Pachina nueba: {{Cofadría |color1 = 4B0082 |color2 = FFFFFF |escudo = Escudo Descendimiento.png |escudo_grandaria = 65px |imachen = |establita = 1940 |sede = Colechio El Salvador (Chesuitas), [[Za... |
Sin resumen de edición |
||
Linia 14:
|}}
A '''Cofradía del Descendimiento de la Cruz y Lágrimas de Nuestra Señora''' (en aragonés ''Cofadría d'a Baxata d'a Cruz e as Glarimas d'a Nuestra Siñora'') ye una cofadría d'a [[Semana Santa de Zaragoza|Semana Santa zaragozana]].
==Istoria==
A primea begata que sale a [[Confraría relichiosa|cofadría]] por as carreras de Zaragoza ye en l'año [[1940]], en a prozesión d'o Santo Entierro con o paso d'o ''Descendimiento''. Establita por a ''Real Congregación de la Anunciación de Ntra. Sra. y de San Luis Gonzaga'' con o nombre de ''Cofradía del Descendimiento de la Cruz y Lágrimas de Nuestra Señora'' teneba a suya siede en a carrera Requeté Aragonés 12, autual carrera Zinco de Marzo.
A primera prozsión d'a cofadría estarba en o siguient año, en [[1941]] o [[Martes Santo]], dende a Ilesia de Santa María Madalena enta la Ilesia de Santa Isabel de Portugal. Dende l'año [[1943]] prenzipia a salir-se d'a Ilesia d'o Sagrado Corazón. En [[1950]] s'encorpora o paso d'as ''Lágrimas de Nuestra Señora''. En [[1959]] s'encluyó a seuzión de tambors con 10 cofadres que tocaban tambors e 2 más con timbals.
Dende [[1963]] cambeo lo día de salida d'a cofadría á lo [[Chuebes Santo]]. Mientres de toz istos años nomás se saliba un día d'a Semana Santa, dica [[1968]] cuan l'arzobispato premitió salir tamién en a prozesión d'o Santo Entierro. Ya en [[1972]] se creyó a prozesión d'as Glarimas o día de Martes Santo en a que se fan zinco predicazions e se canta zinco [[Jota aragonesa|jotas]] á la Birchen. Antimás dende iste mesmo año as mullers tamién pueden partizipar en cualsiquier seuzión d'a cofadría.
A ''Cofradía del Descendimiento de la Cruz y Lágrimas de Nuestra Señora'' ye ligata á lo ''Colechio del Salvador'' ([[Chesuitas]]) de Zaragoza á on ye a suya siede. Con más d'un millar de cofadres ye autualment una d'as cofadrías más grans d'a ziudat, famosa por a calidat d'a suya seuzión de tambors ganadora en barias ocasions d'o ''"Concurso de Tambors"'' de Zaragoza, e por a organizazión d'as suyas prozesions.
==Pasos==
Ye una d'as cofadrías que portan d'os pasos:
*''Paso del Descendimiento de la Cruz'': representa a baxata d'a cruz de Chesús dezaga d'a suya muerte. Ye una d'as esculturas más importants d'o [[sieglo XIX]] en [[Aragón]]. Estió a chirmandat d'a [[Muy Ilustre, Antiquísima y Real Hermandad de la Preciosísima Sangre de Nuestro Señor Jesucristo y Madre de Dios de Misericordia|Sangre de Cristo]] a que mandó fer o conchunto escultorico, ya que os anteriors pasos que ista teneba estioron destruyitos en a [[Guerra d'a Independenzia]], cuan os franzeses bombardioron o combento de San Franzisco o [[10 de frebero]] de [[1809]] á on teneba a siede a chirmandat. O escultor eslechito estió José Alegre por un pre de güeitomil reyals de bellón, mil reyals por cada una d'as feguras que forman a obra en o suyo primer bozeto. As cuatro primeras feguras yeran rematatas o [[4 de mayo]] de [[1848]]: Cristo, un choben sobre a Cruz, un ombre biello sobre a Cruz e San Chuan, por o que le se pagó á lo escultor cuatromil reyals. As siguients feguras que se fazioron estioron Nicodemo e dimpués a Birchen María e [[Santa María Madalena]]. Á la fin o [[8 de mayo]] de [[1851]] li se perpagó por a setiena e zaguera fegura que fazió lo escultor.
:L'autor s'ispiró en a obra de [[Peter Paul Rubens|Rubens]] que bi ha en catedral d'[[Ambers]]. O conchunto final ye formato por dos grupos, enstando a cruz o exe zentral. En o primero bi ye un ombre alto, talment [[Longinus]] seguntes os [[ebanchelios apocrifos]], en l'atro brazo d'a cruz [[Chusé d'Arimatea]], Chesús en a cruz e abaxo Nicodemo e [[San Chuan]]. D'atra mán i son a Birchen e María Madalena formando o segundo grupo escultorico.
:En [[1940]] a ''Real Congregación de Nuestra Señora y San Luis Gonzaga'' s'encarga d'iste paso, que yera propiedat d'a Sangre de Cristo, creyando-se a cofadría como filial d'a dita chirmandat. En [[1944]] o paso estió retaurato por os chirmans Albareda.
*''Paso de la Virgen de las Lágrimas'': representa á la Birchen María plorando con zinco glarimas en suya cara. En 1949 estió Arturo Guillén Urzaiz quí regaló á la cofadría o rostro d'a Birchen d'a escuela de Salzillo. Os chirmans José e Joaquín Albareda fazioron a resta d'o cuerpo. Cuan se remató lo paso estió a primera Birchen que saliba en una prozesión zaragozana baxo palio como ya se feba en a tradizión d'a Semana Santa andaluza.
==Uniforme e emblema==
Os abitos d'a cofadría son de color morada, con botons blancos e cordón blanco ta zarrar o cuello e guantes tamién blancos. Leban tamién una [[faxa]] blanca nugata á la cucha, á lo estilo d'os chesuitas. En a capeza [[terzerol]] blanco os chirmans d'a seuzión de bombos e chirmán portaestandarte e caperucha blanca a resta de cofadres, toz con o emblema d'a cofadría. A seuzión infantil en cuentas d'a caperucha leba en a capeza un [[bonet]] román de color blanca e un [[babero]] blanco con o emblema d'a cofadría en o cuello.
O emblema d'a cofadría ye un exagono con os anagramas de [[Chesús de Nazaret|Chesús]] e [[Birchen María|María]] de color morada sobre fundo blanco.
{{Cofadrías de Zaragoza}}
| |||