Una '''pansa'''<ref>{{es}} [[Brian Mott]] ''Nuevo Diccionario Chistabino-Castellano: con información etimológica'', Logos Verlag, [[2015]], ISBN 978-3832539467, p.120</ref> ye una [[virolla]] obtenida per l'ixecau d'a [[uga]]. Se tracta d'un caso particular de [[fruita ixugada]].
As ugas se cullen quan son maduras y dimpués s'ixucan a lo sol u a la uembra dica que os lulos sían con nomás entre un 15 y un 18 % d'humedat.<ref>{{ca}} Cucó, Josepa; Gregori, Joan; Llop, Francesc. Bosc i Muntanya, ''Indústria tradicional, Comerç i serveis''. València: Institució Alfons el Magnànim, 1985, p. 124 (Temes d'Etnografia Valenciana, tercer volum). ISBN 84-00-06083-0.</ref> Isto requiere una concentración d'o conteniu de [[fructosa]] d'arredol d'o 33 %. As pansas tienen dende una color [[Amariello|amariella]] miel dica una parda fosca dependendo d'a variedat d'uga emplegada. De quatro a cinco kilogramos d'ugas fan un kilogramo de pansas.
Ista [[fruita]] ixuta se produce en muitos países d'o mundo y pueden estar minchadas crudas u emplegadas en platos, [[postre]]s y repostería. Resulta beneficiosa pa lo cuerpo en aduyar a resolver problemas intestinals como lo repretamiento y ralentiza l'enviellimiento prematuro d'a [[piel]], en contener antioxidants.<ref>{{en}} Chiou, Antonia; Panagopoulou, Eirini A.; Gatzali, Fotini; De Marchi, Stephania; Karathanos, Vaios T. (2014). "Anthocyanins content and antioxidant capacity of Corinthian currants (Vitis vinifera L., var. Apyrena)". Food Chemistry. 146: 157–65. doi:10.1016/j.foodchem.2013.09.062. PMID 24176327.</ref>