O '''rinoceront negro''' ('''''Diceros bicornis''''' <small> ([[Linnaeus]], 1758)<ref>{{en}} A. K. Kes Hillman-Smith y Colin Peter Groves: ''Diceros bicornis''. Mammalian Species 455, 1994, pp. 1–8</ref></small>) ye una [[especie]] de [[Mammalia|mamifero]] d'a orden d'os [[Perissodactyla]] y familia [[Rhinocerotidae]] que ye, dimpués d'o [[Ceratotherium simum|rinoceront blanco]], a segunda [[especie]] de rinoceront, bella mas chicota, d'o continent africano. Os animals, que pesan dica 1.400 kilogramos, viven en as sabanas y paisaches ubiertos y se pueden trobar hue en l'este y [[Sudafrica]], entre atros puestos. Allí s'alimentan sobretot de virollas vechetals tovas, prencipalment diferents tipos d'[[alcacia]]. Como animals solencos, viven en territorios de dica 40 km² de grandaria. Como ye habitual con totz os rinoceronts, una [[fembra]] nomás da a luz a una cría per cadillada, que se da de tetar dica per dos anyos. L'orichen d'o rinoceront negro ye en [[Africa]] y se remonta a 17 millons d'anyadas; parients amanaus d'a especie de rinoceront tamién ocurrioron en l'este d'[[Asia]] mientres a suya historia tribal. A especie de rinoceront ye obchecto d'una gran caza a resultas d'os suyos [[cuerno]]s y menaza con amortar-se.
