Diferencia entre revisiones de «Río Bellós»

A suya [[garona]] se cuela per astí ent'a barranquera d'''A Grallera'' á escape, o ''forato'' que el ha de portar t'aintre d'a [[balle d'Añisclo]] per on que ziercula, aintreaintro d'as buegas d'o mesmo Parque Nazional, per bels 10 km, dica que n'amanix per baixo d'o puesto d'a [[Ermita de San Urbiz]] en o [[Molín d'Aso]]. Á mientres d'o suyo transcorrir per Añisclo, o Bellós ha agafato ras auguas d'o ''[[barranco d'a Pardina (Añisclo)|barranco d'a Pardina]]'' e en plegar ta o molín, compliega tamién o ''[[barranco d'Aso]]'' que ye baixadero de [[Fanlo]].

Zaga d'o molín, o Bellós se mete rapedo aintreaintro d'ixaltro forato, dito ''Foz de Sant Urbiz'' per o dezir d'a falordia d'o santo, e enzata d'astía ra baixadera d'o [[Congosto d'as Cambras]], per á on que més enchasqueyato que no per alto en Añisclo, be de correr altros 9 km dic'a ''Fuent d'os Baños'' de [[Puyarruego]]. A ''Fuent d'os Baños'' ye una biu d'auguas [[Sulfuro d'idrocheno|sulfurosas]] en a mesma ripa d'o río, que ya d'abe buens tiempos congregaba chent con toz ixambre de males d'á redol d'o [[Sobrarbe]], que iban ent'allá només que ta bañar-se-be. En o lugar de Puyarruego o río ha socabatas unas gorgas en a peña que fan á bien prezisament ta bañar-se.

[[Imachen:103.San urbiz - Foz d'o Bellós.JPG|thumb|right|180px|O '''Bellós''' aintreaintro d'a ''Foz'' en [[Puent de San Urbiz|Sant Urbiz]].]]