Diferencia entre revisiones de «Neil Armstrong»

'''Neil Alden Armstrong''', naixito de [[Wapakoneta]] ([[Ohio]], [[Estaus Unius]]) o [[5 d'agosto]] de [[1930]] y muerto lo [[25 d'agosto]] de [[2012]] en [[Columbus]] ([[Ohio]], [[Estaus Unius]]) estió un [[piloto melitar]] y [[astronauta]] [[Estaus Unius|estausunidense]], miembro d'a ''[[United States Navy]]'', que partecipó como piloto melitar en a [[Guerra de Coreya]], pero que ye conoixito por estar o primer [[Hombre|ser humán]] en caminar sobre a [[Luna]], o [[20 de chulio]] de [[1969]], en a misión ''[[Apollo 11]]''.<ref>{{es}} Ricardo Artola: ''La carrera espacial'', Alianza editorial, [[2019]], ISBN 978-84-9181-520-4, p.254</ref> Dimpués, Neil Armstrong estió profesor universitario d'Incheniería Aeroespacial en a Universidat de [[Cincinnati]].

A suya primera misión espacial, en a [[Nau espacial|nau]] ''[[Gemini 8]]'', estió en [[1966]], como piloto, y o a suya segunda misión ya estió con a nau [[Apollo 11]]. En ista misión, chunto con l'astronauta [[Buzz Aldrin]], baixoron a la [[Luna]] en o [[Apollo Lunar Module|modulo lunar Apollo]], y [[Michael Collins (astronauta)|Michael Collins]] estió en orbita lunar en a nau prencipal.