Cronicas d'os Chueces de Teruel

As Cronicas d'os Chuezes de Tergüel ye una documentazión meyebal tergüelana que se puet clasificar dentro lo chenero d'anals u de cronicas. Esta documentazión la han publicata con as denominazions de Lista de Jueces de Teruel, Relación de Jueces de Teruel, Efemérides Turolenses, etc...

Esta documentazión contiene os nomes d'os chuezes de richioron Tergüel e las aldeyas suyas en 4 sieglos. Las listas replegan lo nome de los gobernans tergüelanos dende 1176 dica 1532. A estituzión foral se mantenió en tot lo sieglo XVI, pero n'ixe sieglo la monarquía reduzió las funzions de los chuezes, prenendo-lis-ne ofizials reyals que la corona nomenaba. Cuan a finals de lo sieglo XVI lo rei suprimió a estituzión cuasi no la troboron en falta.

N'estas cronicas, a la lista de chuezes a la acompañaba la fecha en que o machistrato ocupó o cargo, feitos relatibos a lo treballo de chuez, (execuzions publicas con nomes de presonas enforcatas, escabezatas, crematas, afogatas, etz...), e una serie de notizias sobre lo que ocurriba allora cualsiquier considerazión: pedregadas, terratremols, inundazions, eclipses, plagas, imbasions aragonesas en atros países, imbasions castellanas.

Lo linguache ye muito castellanizato y emplegaba una sintasis culta con muitos berbos en boz pasiba e orazions de relatibo calcatas de modelos latins (sintasis común con lo castellán culto d'a epoca, que tampoco reflexaba lo charrar popular). Sin d'embargo ye una fuent més pa conoxer como yera l'aragonés que se charraba en Tergüel e pa conoxer la toponimia e cultismos antigos en aragonés.

Istoria d'Aragón