Diferencia entre revisiones de «Cheminis (constelación)»

En ista constelación, bi son dos estrelas luminosas: [[Cástor (estrela)|Cástor]] (α), una [[estrela binaria]] telescopica (sextuple en l'actualidat), y [[Pólux (estrela)|Pólux]], mas luminosa y ubicada mas a o sudueste. As altras estrelas son mas esmorteixidas -nomás que una, Alhena (γ), puede alufrar-se bella vez dende as grans ciudatz-, y debuixan un rectanglo enta o sudeste.

Parando cuenta en as estrelas poco luminosas visteras a simple uello, ista constelación pareix debuixar dos feguras alargadas paralelas. Ixo fació que s'identificase con o mito d'os clamaus [[Dioscuros]], [[Cástor u Pólux]], os fillos cheminucos de [[Leda (mitolochía)|Leda]]. O mito d'istos meyos ye muito relacionau con o furto de ganau, y podría estar ligau a visions primitivas d'a [[Carrera de Sant Chaime]] u Vía Lactia, en as que serían situaus en metat d'o ganau u d'una rabanyera de vacas leiteras.

A orientación d'a constelación puede variar -ya que continan fendo lo debuixo de feguras alargadas igual si s'enclinan ta la dreita como ta la cuchaezquierda-, anque s'acostumbra a veyer a os cheminucos decantaus enta man zurda. Manimenos, quan s'enclinan ta man dreita, un d'os cheminucos se troba en a Carrera de Sant Chaime y l'altro en ye difuera, o que fa que pareixca que un d'os meyos ye furtando lo ganau y que l'altro se lo mira. Ixo, chunto con a faixa d'o cielo que ye desenta (an que agora se considera que i son as nuevas y muito esmorteixidas constelacions d'a [[Chirafa (constelación)|Chirafa]] y o [[Lupo cerbal (constelación)|Lupo cerbal]]) y as altras caracteristicas de l'aria de Cheminis (Orión, Auriga y Can Menor), podría haber estau l'orichen d'o mito d'os ueis de Cherión, un d'os dotze treballos d'[[Heracles]].