Diferencia entre revisiones de «Investigación»

Contenido eliminado Contenido añadido
Pachina nueba: Una '''imbestigazión''' ye un prozeso, analitico, sistematico, organizato e obcheutibo o proposito d'o cual ye responder á una pregunta u ipotesis e así aumentar o conozimiento...
(Garra diferencia)

Versión d'o 07:18 10 avi 2007

Una imbestigazión ye un prozeso, analitico, sistematico, organizato e obcheutibo o proposito d'o cual ye responder á una pregunta u ipotesis e así aumentar o conozimiento e l'informazión supre una cosa desconoxita e d'o cual se desea saber más á fondo.

Carauteristicas

Una imbestigazión se carauteriza por estar un prozeso:

  • Sistematico: Á partir d'a formulazión d'una ipotesis u obcheutibo de traballo, se recochen unos datos seguentes un plan preestablexito que, una bez analizatos e interpretatos, modificarán u añadirán nuebos conozimientos á los ya esistens, iniziándose entonzes un nuebo ziclo d'imbestigazión. A sistematica empleata en una imbestigazión ye a d'o metodo zientifico.
  • Organizato: Toz os miembros d'un equipo d'imbestigazión deben conoxer o que deben far durant tot l'estudio, aplicando as mesmas definizions e criterios á toz os partizipans e autuando de forma identica ante de cualsiquier duta. Por conseguir-lo, ye impreszindible escribir un protocolo d'imbestigazión donde s'espezifiquen toz os detalls relazionatos con l'estudio.
  • Obcheutibo: As conclusions obtenitas d'o estudio no se basan en impresions subcheutibas, sino en feitos que s'han obserbato e mesuratos, e que en a suya interpretazión s'ebita cualsiquier prechuyizio que os responsables d'o estudio pudieran tener.

Autibidaz

As autibidaz alzetals d'una imbestigazión son:

  • Mesurar fenomenos.
  • Comparar os resultatos obtenitos.
  • Interpretar os resultatos en funzión d'os conocimientos autuals, teniendo en cuenta as bariables que pueden aber influyito en o resultato.

Tamién tien como funzión sozial l'adquisizión de conozimiento t'o desarrollo u superazión umana, sozial e economica d'a sozedat.

Mena d'imbestigazión

  • Imbestigazión basica. Tamién dinominata imbestigazión fundamental (alzetal) u imbestigazión pura. Se suele lebar á termino á los laboratorios.
  • Imbestigazión aplicata. Ye l'emplegazión d'os conocimientos á la prautica, por aplicar-los, en a mayoría d'os casos, en probeito d'a sozedat. Un exemplo son os protocolos d'imbestigazión clinica.

Imbestigazión entre disziplinas

S'han descrito diferens menas d'imbestigazión entre disziplinas, así como una terminolochía espezifica. As definizions más comunment azeutatas son as d'a que son empregatas por referir-se á l'incremento en o nibel d'interazión entre as disziplinas:

  • Multidisziplinarietat: en iste nibel d'imbestigazión l'aproximazión con o fin d'estudio se realiza dende diferens angulos, empregando diferens perspeutibas disziplinarias sin llegar á la integrazión.
  • Interdisziplinarietat: iste nibel d'imbestigazión se refiere á la creazión d'una identidat metodolochica, tiorica e conzeutual, de forma que os resultatos sean más coherens e integratos.
  • Transdisziplinarietat: ba más allá que as anteriors e se refiere á lo prozeso en o cual ocurre a comberchenzia entre disziplinas, acompañato por una integrazión mutua d'as epistemolochías disziplinaras (Tioría d'as Zenzias Umanas).