Diferencia entre revisiones de «Dietrich Buxtehude»

1243 bytes añadidos ,  hace 8 meses
sin resumen de edición
Sin resumen de edición
Sin resumen de edición
 
As obras pa organo de Buxtehude, que se publicoron a remolque d'a clamada <<Bach-Renaissance>> d'o sieglo XIX, son dos cheneros variaus pero cuasi totas tienen como base o Coral y se desarrolllan a traviés d'una tecnica de transformazión d'o material de base. Ista tecnica d'orichen italián se compendia prenzipalmén en dos tipos de conducta; a virtuosística y a contrapuntística; u sía, en una forma de libre invenzión virtuosística u en unatra de rigorosa superposizión d'a vozes a traviés d'a transformazión d'as figurazions mosicals por lo que fa a lo ritmo, a los intervalos y a la tímbrica de l'organo. L'arquetipo d'ista conducta dual lo construye o díptico Fantasia y Fuga, pero atras formas analogas yeran as d'o Preludio-Coral y d'a Variazión sobre Coral. O esito peculiar de Buxtehude consistió en una estraordinaria capazidat pa construyir arquitecturas vastas y complexas an, espezialmén en as sezions contrapuntísticas, a superposizión d'as vozes da puesto a armonías y a sonoridaz mui robustas. Comparadas con as suzesivas y analogas composizions bachianas, se puede fablar d'una espezie de primitivismo de Buxtehude, por a caracteristica monumentalidad en a cuala se reconoxe o estilo <<septentrional>> d'a escuela alemana. En a piezas pa organo de Buxtehude, esisten tamién aspectos elaboraus con espezial eleganzia, por o que a virtuosismo se refiere, mientres queda afirmada a funzión armonica d'a parte grieu, que ye normalmén encomendada a los pedals de l'instrumento.
 
== Atras composizions ==
Amás d'a mosica pa organo, Buxtehude componió tamién dezinueu ''Suites'' pa clavicémbalo y dos celocciones de ''Sondre a tre'' (u sía, pa dos instrumentos y baxo contino) que en conchunto constituyen o suyo producció de cambra. As ''Suites'' obedexen a la regla cheneral d'iste tipo de composiciciones, que consiste en un suzesión de danzas seguntes una arquitectura ya solidamén establida en a mosica instrumental d'o sieglo XVIII europeu. Buxtehude s'atenió, seguindo l'exemplo de [[Johann Jakob Froberger|Froberger]], a lo esquema ''Allemande-Courante-Sarabande-Giga'', que permanexió invariado en a mosica alemana pa istrumentos de teclau, fueras d'a introduzión, debida a la influenzia franzés, d'o clamau ''Double'', u sía, d'un episodio nuevo a ficar entre as distintas danzas. Una particularidat d'as ''Suites'' de Buxtehude consiste en a eslezión d'as tonalidaz fundamentals. As dezinueu composizions son distribuyidas de traza que as distintas tonalidaz sían basadas sobre as seis notas, de Do a La, que constituyiban l'antigo exacordo natural de [[Guido d'Arezzo]]: A = La; C = Do; D = Re; E = Mi; F = Fa; G = Sol (s'omitia a nota Si que yera ambiga, u sía B = Si bemol i H = Si natural).
 
== Referencias ==
611

ediciones