Diferencia entre revisiones de «La Serrezuela (sierra de la Virchen)»
Pachina creyada con '{{Sierra | nombre=La Serrezuela | imachen= | descripzión= | cordelera=Sistema Iberico | sector= | tpran= | ran= | altaria= 1.176 m (Torre de la Masa) | tucas= | largaria= | amplaria= | superfizie= | estato= | país=20px|border Aragón | tpdibisión=Comarca | dibisión=Aranda</br>Comunidat de Calatayú | edat= Cambrián, Triasico, Mioceno | materials=Rocas sedimentarias principalment roca detritic…' |
(Garra diferencia)
|
Versión d'o 17:18 22 chul 2021
La Serrezuela ye un sarrau occidental de la sierra de la Virchen con dirección NO-SE situau entre Malanquiella, Aranda de Moncayo y Clarés de Ribota.
Altarias
La principal altaria ye Torre de la Masa con 1.176 m.
Toponimia
L'oronimo Serrezuela ye un derivau de "sierra" con lo sufixo diminutivo -uela, (común en toponimia), y l'infixo -ez-. Ya se documenta en un texto escrito en Aranda de Moncayo en lo sieglo XV (collado de la Serreçuela).[1]
En la Serrezuela bi ha uns quantos microtoponimos descriptivos de lo terreno: la Pedriza, collado d'el Tornagal, vago de los Troncos, barranco de Vallurguín, val de Aranda, ecetra.
Hidrolochía
La versant noreste de la sierra desaugua enta lo riu Aranda, la versant sudueste desaugua enta la rambla de Ribota, los dos afluents de Xalón.
Cheolochía
En Torre de la Masa afloran las piedras d'arena y almendrons de la formación Quarcita de Bambola (Cambrián inferior).
Entre los termins municipals de Clarés de Ribota y Malanquiella bi ha una representación chica de rodeno de facies Buntsandstein (Triasico inferior). En lo termin municipal d'Aranda de Moncayo bi ha una representación chica de dolomías de lo Retián (Triasico tardano) y carniolas-brechas dolomiticas de lo Hettanchián (Churasico primerenco), con representación de las formacions Imón, Cortes de Tajuña y Lecera.
Entre los termins municipals d'Aranda de Moncayo y Malanquiella totz estos materials y los cambrians son superposaus en discordancia angular por almendrons, piedras d'arena y limolitas d'edat miocena.
Referencias
- ↑ (es) Miguel Angel Solá Martín: Los pleitos por el monte Entredicho de Malanquilla durante los reinados de Jaime II y Alfonso IV (1313-1337). Publicau en: Cuarta Provincia, nº 2 (2019). pp. 33-64. ISSN: 2605-3241.
Bibliografía
- (es) Eduardo Viñuales Cobos: Red Natural de Aragón. Comunidad de Calatayud nº 17, 2007.
- (es) Instituto Geológico y Minero de España: Mapa Geológico de España E 1:50.000. Illueca. Fuella 381 25-15. Servicio de publicaciones de Ministerio de Industria y Energía, 1981.