Diferencia entre revisiones de «Wikipedia:Tabierna/Politicas»
Contenido eliminado Contenido añadido
Sin resumen de edición |
|||
Linia 52:
:::Ola Pompilos, perdona no haber puesto contestar antes, pero no heba visto o tuyo mensache. Pa temas urchents ye millor siempre escribir en a pachina de descusión de qualsiquiera de nusatros. Pa prencipiar, soi prou sosprendiu de que puedas relacionar l'uso d'istas imachens aquí con o nacionalismo, cal tener muita imachinación :-) En qualsiquier caso iste conchunto d'imachens no tienen denguna "licencia peculiar", lo que tienen ye '''Copyright, dreitos d'autor''', pero o suyo autor permite explicitament l'uso en Biquipedia en aragonés (y me suposo que en atras tamién si se quiere y ixa wiki lo admite) con fins ilustrativas ([[:en:Wikipedia:Non-free use rationale guideline|fair use]]). L'autor en iste caso no creigo que tienga guaire intrés en modificar a licencia de todas as suyas fotos (n'i hai milenta) pa puyar-las a Commons, ya que ixo suposaría liberar-las (no ye una "donación", como dices, de l'autor, ya que l'autor no las cede a Biquipedia ni libera os suyos dreitos, nomás s'informa de que l'autor ye d'alcuerdo con que s'empleguen aquí pa ilustrar ixos articlos y que si se quieren emplegar en atros puestos cal preguntar-le-ne). Wikipedia en castellán NO admite imachens y por ixa razón istas imachens no se pueden emplegar astí, tampoco no se pueden puyar ta Commons, pero sí podrían emplegar-se en as wikipedias en [[:en:Category:Wikipedia non-free images|anglés]], [[:ca:Viquipèdia:Justificació d'imatges no lliures|catalán]],... nomás caldría puyar-las tamién a istas atras wikis. Iste ye un tema que se debatió fa anyos entre a comunidat de Wikipedia en aragonés ('''[[Wikipedia:Politicas/Politica sobre imáchens en Biquipedia|ista ye a politica sobre imachens no libres en Biquipedia]]'''), a nusatros ista mena d'imachens mos aportan un extra en os nuestros articlos y decidimos adintro d'a legalidat fer-las servir aquí ([[:Categoría:Imáchens no libres]]). Si a tuya opinión ye que as imachens son "discriminatorias" y "ilechitimas" y quiers borrar-las unilateralment "aplicando el modo de proceder habitual en Wikipedia ¿en castellano?" (o mio consello ye que no lo faigas ;-) ya que podría considerar-se vandalismo) suerte, porque tiens treballo que fer, ya que habrías de borrar también [[:en:Category:Wikipedia non-free images|todas as imachens que se fan servir exclusivament en a wikipedia en anglés]] (lo mesmo con os [[:ca:Categoria:Imatges no lliures|catalans]], [[:it:Categoria:Immagini non libere|italians]], [[:pt:Categoria:!Conteúdo_restrito|portugueses]]...) y amás explicar-les que son emplegando una "licencia nacionalista" (anglesa me suposo, u americana, catalana, italiana, portuguesa, etc). Salut! --[[Usuario:Willtron|Willtron]] ([[Descusión usuario:Willtron|descusión]]) 11:42 1 chul 2021 (UTC)
::::Buen día! Yo tampoco no heba visto lo mensache, y agora que lo leigo, no l'acabo d'entender. L'autor autoriza la publicación d'as imachens en o contexto d'este prochecto, y la comunidat decidió d'usar-las, pero ixo no tien cosa a veyer con una suposada "discriminación per razón de luengas". Los parladors y no parladors d'aragonés tienen los mesmos dreitos d'usar ixas imachens: un parlador d'aragonés no las puede emplegar en atros prochectos, igual que un no parlador d'aragonés. Y un no parlador d'aragonés puede mirar las imachens en os articlos y disfrutar d'ellas, igual que un parlador d'aragonés. Prou que qui no entienda aragonés perderá parte d'o contexto, lo mesmo que a yo me pasa quan miro imachens en articlos de wikipedia en idiomas que no controlo, pero ixo no ye una discriminación. Dito ixo, si dende atros prochectos se demanda a l'autor la posibilidat d'usar ixas imachens, ye posible que este las autorice. Un saludo. --[[Usuario:Juanpabl|Juan Pablo]] ([[Descusión usuario:Juanpabl|descusión]]) 13:12 1 chul 2021 (UTC)
:::::No t'ibe a contestar porque trolls en hemos teniu ya uns quantos, pero s'aparenta que vas en serio y alavetz mereixes una respuesta. Ya me sabe malo no haber-te la dau antes. Bueno, como ya t'han dito os d'antes que yo, no i hai gota razón en o que dices, y no i puedo estar menos d'acuerdo. 1) Una wikipedia no ye una nación; ye un prochecto chermano en un atro idioma. Por ixo o nacionalismo no sé d'an be de salir que tan claro lo veis, u pasa que cais en a falacia de considerar que lengua = nación y que, por ixo, charrar y escribir en una atra lengua ye un acto de rebeldía nacionalista? 2) As imáchens han estau autorizadas d'uso pa iste prochecto, que sí que las admite, y borrar-las porque le vaga a uno y sin votación previa d'os usuarios d'iste prochecto autonomo y independient de es:wp estaría pa bloqueyar a ixe uno ''lechitimament'' en iste prochecto. - Quan has traito a colación a declaración d'os dretos humans me pensabe de veras que te'n febas a mofla u cosa asinas, ya me sabrás perdonar. «...discriminación por lengua,... nación,...», pero a-escape nos viens a decir de facto que os modos "de proceder" d'es:wp son más validos aquí y más respetables que os propios d'a comunidat d'aquí, y que con ixo te vale pa encetar a estronzada. Pos en primeras no s'aprecia guaire cómo tomas os dretos humans de referencia. Pa información tuya cada prochecto de wikimedia.org tiene costumbres propios y, fuera d'os cinco pilars, a-saber-las cosas son opinables y las fa la comunidat. Si piensas que ixas imáchens s'habrían de puyar ta Commons, demanda-le-ne a l'autor de « Despoblados en Huesca » que las libere de dretos, pero vamos... yo liberar-las no lo farí si tenese a potencia que tiene ixe blog, con as charradas, con os articlos en prensa y con os libros. Una cosa ye autorizar de fer una excepción, que qualsiquiera puede veyer y disfrutar charre u no charre parola de l'idioma local, y unatra ye renunciar a os dretos pa siempre como cal que se faiga pa poder-las puyar ta Commons y que las empleguetz en es:wp, porque ixa ye la politica local que tenetz astí. A yo me pareix que con aceptar l'uso en Biquipedia ya prou que ha feito. Pero si precisas fotos pa editar, [[:commons:User:Lascorz/gallery/Aragon|en tiengo yo unas quantas]] que sí que las he liberau y no te cal ir a molestar a denguno. Un saludo cordial tamién pa tú, y a plantar fuerte. --[[Usuario:Lascorz|Lascorz]] ([[Descusión usuario:Lascorz|descusión]]) 23:01 1 chul 2021 (UTC)
| |||