Diferencia entre revisiones de «Descusión usuario:Willtron»

Lo [[Pireneu axial]] contina por Navarra, Francia y Catalunya, igual que lo Prepireneu. Ye un concepto cheolochico que va paralelo a las sierras y la cheografía fisica. Lo Pireneu ye formau tanto por la part axial herzinica como por lo Prepireneu plegau en la orochenia alpina. '''Muitas de las montanyas categorizadas como "d'o Pireneu aragonés" no son de lo Pireneu axial'''. Se puede ir clasificando china chana, y bi ha puestos a on que consultar.--[[Usuario:EBRO|EBRO]] ([[Descusión usuario:EBRO|descusión]]) 08:51 26 feb 2021 (UTC)
:(respondendo a la zaguera pregunta ''considerar as sierras interiors como "Pireneu" y nomás sierras exteriors y depresión intrapirenenca como "Prepireneu''). Scientificament daría más problemas que solucions. En las clasificacions cheolochicas se considera ''Prepireneu'' tot lo de lo ciclo alpín adintro de la cordelera Pirenenca. En las clasificacions cheograficas puedes veyer lo que tú planteyas pero tamién lo que las clasificacions cheolochicas estableixen. Los cheografos que yo referencio siguen este criterio de que tot lo que no ye de lo ciclo herzinico ye "Prepireneu" porque consideran "Pireneu" la suma de P.Axial y Prepireneu. Este criterio ye claro y contundent y sirve pa distinguir millor la distribución de las sierras, sobre tot en zonas de Sobrarbe, a on que la [[depresión meya pirenenca]] no permite siempre distinguir siempre entre una zona interior y una zona exterior (como en la [[sierra de Campanué]]-[[sierra de Torón]]). En conclusión: ye millor seguir un criterio cheolochico que sigue muitos cheograficos, que no un simple criterio topografico que sigue bell cheografo. Afortunadament la simpla consulta de si ye herzinico u alpín permite distinguir entre Pireneu y Prepireneu, y si especificamos "[[sierras interiors pirenencas]]" en zonas altas no se fa tant rarizo.--[[Usuario:EBRO|EBRO]] ([[Descusión usuario:EBRO|descusión]]) 12:59 26 feb 2021 (UTC)
::Las mugas a vegadas presentan paradoxas (por eixemplo [[Muel]] ye [[depresión d'Ebro]] pero tiene afloramientos [[churasico]]s, [[Pui Moreno (orografía)|Pui Moreno]] tamién ye depresión d'Ebro y ye un afloramiento [[Paleozoico]]. No bi ha dubda en lo casos que tú dices. Lo caso de [[Castiello d'Acher]] ye comparable a [[Auturia]]: lo cabalto ye d'una unidat y lo cabaixo d'atra. N'este caso como la parte vistable y exclusiva ye de la unidat "[[sierras interiors pirenencas]]" asinas ha d'estar, si miras libros de cheografía y cheolochía la part que tienen en cuenta de lo castiello d'Acher ye lo [[sinclinal pendiu]] de lo [[Cretacio]], no lo Permotrías. Lo cabaixo permotriasico ye una masa prou mes ampla que no la punta y común a atros releus (vals), y en lo substrato baixo tierra siempre bi ha atras unidatz. [[Auturía]] tiene una superposición de [[flysch]] sobre las sierras de la [[depresión meya intrapirenenca]]. Si ye un releu aislau habría de considerar-se la punta como una montanya de flysch, en caso de charrar d'una sierra tot sería matizable, s'habría de tener mes en cuenta la base común. Como lo Pireneu ye un [[orocheno de colisión]] quiero fer distinción entre lo Prepirineu meridional (de la placa iberica) y lo Prepireneu septentrional (de la placa euroasiatica), implicando fer distinción con lo [[Pireneu axial]] paleozoico que ye mes antigo y quedó en bell meyo de la colisión. Aproveitando las listas quiero fer una plantilla de Pireneu axial (Orochenia herzinica) despartida ya de Prepireneu meridional (orochenia alpina, dende Navarra dica Chirona). En esta segunda plantilla prepirenenca no se posaría las sierras y macizos que como [[Corberas]] y [[Plantaurel]] son en lo Prepireneu septentrional, tamién de la orochenia alpina pero que corresponden en orichen unatra placa litosferica diferent. No entiendo que quiers decir con "''A ideya ye talment dimpués fusionar en a tabla as tres seccions de Pireneu en una sola de Pireneu axial''". Quiero que primero veigas las dos plantillas con la distribución de unidatz, contra mes detallada y exhaustiva siga la lista de sierras mes variedat de datos toponimicos relacionaus con las luengas minoritarias permite la cada articlo y mes rica será la clasificación que ofreixe la plantilla.--[[Usuario:EBRO|EBRO]] ([[Descusión usuario:EBRO|descusión]]) 21:31 10 mar 2021 (UTC)
69 596

ediciones