[[Imachen:Force examples.svg|right|300 px|thumb|As fuerzas pueden empentar u tibar, pueden estar debitas a fenomens como a [[gravedat]], o [[magnetismo]], u qualsiquier altra causa capaz de fer que s'accelere una masa.]]
En [[fisica]], una '''fuerza''' (asobéna sobén simbolizata como '''F''') ye una acción que prevoca una perturbación en a [[cantidat de movimiento]] d'un cuerpo. O [[vector (fisica)|vector]] suma de totas as fuerzas que actúan sobre un cuerpo, a [[fuerza neta]] u ''fuerza resultant'', ye proporcional a l'[[acceleración]] y a la [[masa]] d'o cuerpo. En un cuerpo amplo una fuerza tamién puet causar [[rotación]], [[deformación]] u cambeyos de [[presión]]. Os efectos rotacionals son determinatos por o [[momento de fuerzas|momento]], mientres que a deformación u o cambeyo de presión son determinatos por a [[tensión mecanica]] que creyan as fuerzas. [[Matematicas|Matematicament]], a fuerza neta ye identica a lo ritmo de cambeyo en o tiempo d'a [[cantidat de movimiento]] d'o cuerpo sobre o que actúa. En tanto que a cantidat de movimiento ye un [[vector (matematicas)|vector]] (tien una magnitut y una [[Dirección vectorial|dirección]]), a fuerza tamién será un vector.
