Diferencia entre revisiones de «Sierra de la Talaya (Castellot)»
Pachina creyada con ':''Este articlo tracta sobre la '''sierra de la Talaya''' de Castellot. Pa atros usos de lo toponimo «sierra de la Talaya» se veiga '''sierra de la Talaya (desambiga…' |
(Garra diferencia)
|
Versión d'o 10:27 25 feb 2021
- Este articlo tracta sobre la sierra de la Talaya de Castellot. Pa atros usos de lo toponimo «sierra de la Talaya» se veiga sierra de la Talaya (desambigación).
La sierra de la Talaya ye una aliniación montanyosa de lo Sistema Iberico con dirección W-E que fa parte de la unidat morfoestructural dita "Serranías de Sant Chust-Castellot"[1]. Se troba en la part oriental de la provincia de Teruel entre las comarcas de Baixo Aragón y Mayestrato.
La superficie de la sierra de la Talaya perteneixe a lo termin municipal de Castellot.
Altarias
Las cimas mes vistables son Tablada (1081 m), los cerros de San Marcos (1.006 m - 1014 m) y lo pico de la Talaya (927 m).
Toponimia
L'oronimo sierra de la Talaya se relaciona con lo pico homonimo y presenta un formant común en la microtoponimia aragonesa. Una talaya ye en orografía un punto prou alto y vistable que permite posar-ie un puesto de vichilancia de los terrenos d'arredol. L'arabismo talaya creyó muitos toponimos en tiempos de la reconquiesta de la val d'Ebro y Sistema Iberico, lo que ixampló dimpués lo significau orichinal de "torraza situada en alto" a lo d'"altaria bien vistable en lo terreno".[2][3]
A lo norueste de Castellot y a l'ueste de lo collau de las Lomas bi ha un microtoponimo indicador de ladera: cantera Atalayal u cantera Atalaya.
La sierra de la Talaya apareixe a sobén en la cartografía sin indicación de sierra como part de la sierra de Caballos, con la que enlaza progresivament en loma Tablada.
Un sarrau d'esta sierra ye la muela d'el Tromagal.
Hidrografía
La versant norte desaugua enta lo barranco d'Abenfigo, la versant sud lo fa enta lo río Guadalop.
Cheolochía
La estructura cheolochica principal de la sierra de la Talaya ye un sinclinal pendiu.[1]
Referencias
- ↑ 1,0 1,1 (es) Jose Luís Peña Monné et al. : Geomorfología de la Provincia de Teruel. Instituto de estudios turolenses, 1984. pp 91-95.
- ↑ (es) Juan Antonio Frago Gracia: Toponimia Navarroaragonesa del Ebro (II): Nombres de núcleos de población y de construcciones religiosas y militares. Publicau en: Revista Príncipe de Viana, Nº 156-157, 1979, pp. 333-350.
- ↑ (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa, Vol. 30-31, 1982, pp. 26-27, pp. 30-31.
Bibliografía
- (es) Eduardo Viñuales Cobos (coordinador): Red natural de Aragón. nº 3, Maestrazgo Prames, 2006.
- (es) Jose Luís Peña Monné et al. : Geomorfología de la Provincia de Teruel. Instituto de estudios turolenses, 1984.
- (es) Instituto Geológico y Minero de España: Mapa Geológico de España E 1:50.000. Aguaviva. Fuella 519 (29-20). Servicio de publicaciones de Ministerio de Industria y Energía, 1979.