Diferencia entre revisiones de «Pueyo de Sant Esteban (chacimiento arqueolochico)»

'''Lo Pueyo de Sant Esteban''' ye un [[Chacimientos arqueolochicos en Aragón|chacimiento arqueolochico]] de caracter urbano d'epoca [[Republica Romana|republicana]] y [[Imperio Romano|imperial romana]], existent aproximadament entre los sieglos [[sieglo I aC|I aC]] y [[sieglo I|I dC]]. Ye situau en [[Lo Pueyo (Xiloca)|Lo Pueyo]], localidat d'o termin municipal de [[Calamocha]] ([[Provincia de Teruel|Teruel]], [[Aragón]], [[Espanya]]).<ref name="xiloca">Xilocapedia, [http://xiloca.org/xilocapedia/index.php?title=Ciudad_de_San_Esteban_(El_Poyo_del_Cid) Ciudad de San Esteban (El Poyo del Cid)], ''Xilocapedia''.</ref>

La ciudat estió en tres emplazamientos succesivos, estando lo ''[[Pueyo de Sant Esteban]]'' lo segundo d'ells y amostrando una continuidat de hábitat de caracter urbano ininterrompiu en a comarca d'o [[sieglo II aC]] a lo menos dica lo [[sieglo IV]].<ref name="Caballero"> Caballero Casado, Carlos: [http://eprints.ucm.es/2462/1/t21381.pdf La Loma (Fuentes Claras)] ''Asentamientos urbanos en la Celtiberia Citerior en la República y el Alto Imperio: la ciudad como elemento de romanización'', pach. 135. Universidad Complutense, 1996.</ref> Estió fundada a conseqüencia d'a destrucción d'a ciudat inicial situada en o [[La Caridat (chacimiento arqueolochico)|Chacimiento d'a Caridat]] ([[Camin Reyal]]) a causa d'as [[Guerra de Sertorio|guerras sertorianas]] libradas en a [[Peninsula Iberica]] entre los anyos [[82 aC]] y [[72 aC]].<ref>Caballero Casado, Carlos: [http://eprints.ucm.es/2462/1/t21381.pdf «2.3. Estrategias socioeconómica. Concesión de estatutos privilegiados].» ''Asentamientos urbanos en la Celtiberia Citerior en la República y el Alto Imperio: la ciudad como elemento de romanización'', pach. 341. Universidad Complutense, 1996.</ref>

Lo chacimiento ocupa una d'as laderas d'o pueyo, a escasa distancia d'os atros dos emplazamientos.<ref name="Caballero"/> Se tracta d'un nuclio amurallado d'unas 10 hectarias d'extensión. La suya muralla ye de dople paramento, con una longaria d'1.456 metros de perímetro y 4 metros d'amplaria, adaptada a lo terreno y con ueito torreones de planta quadrada. S'han aterrazado las laderas, reutilizándose pa lo cautivo. En a vaguada sudeste se trobaba la dentrada, de 3,3 metros d'amplaria, hue trascruzada per lo camín que va a la ermita.<ref>Territorio Iberkeltia 2.0,: [https://www.youtube.com/watch?v=Mki74vwYMfE Cerro de San Esteban de El Poyo del Cid (Teruel)] Youtube (2013), ''Youtube''.</ref>

Tanto adintro como estase d'o recinto se mantienen sinyals d'antigas edificacions y s'han trobau materials ceramicos y numismáticos que pareixen corresponder a la epoca d'abandono d'a ciudat. Son visibles dos cambras, con muros de mampostería irregular, una d'ellas con una cisterna en o suyo interior, excavada en a pedrera cuarcítica y recubierta de argamasa. Las excavacions arqueolochicas han descubierto quantas estancias, muros de mampostería prolongados con adobes y revocados con archila, suelos archilosos fueras d'un de ''opus signinum'' blanco. En un torreón s'ha trobau presencia de techo de lajas de pizarras. En superficie s'han trobau monedas ibericas de [[Bilbilis]], [[Colonia Celsa]] y [[Nertobriga (Tarraconense)|Nertobis]] y tamién hispanolatinas de Bilbilis, [[Calagorra|Calagurris]], Colonia Celsa y [[Elch|Ilici]]. Tamién abundants ceramicas: lucernas, ánforas, [[terra sigillata]] italica, paretz finas, iberica y comuna. <ref name="xiloca"/><ref>Gran Enciclopedia Aragonesa, [http://www.enciclopedia-aragonesa.com/voz.asp?voz_id=10373 El Poyo del Cid], ''Gran Enciclopedia Aragonesa''.</ref>