Diferencia entre revisiones de «Silbes»
Contenido eliminado Contenido añadido
Sin resumen de edición |
m He intentado centrar la estrofa de la ronda, pero no obedece. |
||
Linia 23:
|}</div>
{{Baixo sobrarbés}}
'''Silbes''' ó '''Silbés''' (''Silves'' en [[castellán]]) ye un lugar d'o monezipio de [[Boltaña]], en a probinzia de [[Probinzia de Uesca|Uesca]]. A suya poblazión ye de 8 abitanz.▼
▲'''Silbes
[[Image:29.Silves 04.JPG|thumb|left|200px|Silbes e ra suya altura fa bien ta bier os paisaches d'a redolada. Una [[borda]] en a suya [[era]].]]
O lugar de Silbes ye una d'as entidaz poblazionals más protechidas d'a [[Bal de l'Ara|balle de Boltaña]], por d'enzima d'o recolón d'o ''Balupor'' e d'a faxa d'as ''esplugas'' de [[Seso]], en l'alto d'una d'as garras d'a [[Punta d'a Ferrera]] (1392 m) que como una balconera mira ras balles de l'[[río Ara|Ara]] e [[Campodarbe]] (a balleta d'o ''barranco d'a Ferrera''). Silbes s'ancuentra por alto d'a ''márgen'' sur de l'[[río Ara|Ara]], por d'enzima de [[Seso]], e s'ha de puyar por una pista que ye bien tortuosa, que ranca ''desde'' ro puent d'''o sanatorio'' (l'antiguo combento d'os agustinos de Boltaña) e ye siñalizada nomás que como si marchase ta Seso, pero que en aber-se fecho os primeros 600 m en plano tien una esbiadera t'alto, por a izquierda d'o caminante, que emprenzipa a serpentiar t'arriba por bellos 3 Km por medio d'a bosquera e que ye imposible de fer-la con coche, nomás que caminando.
l'Azeso ta os beículos s'ha de mirar en la otro canto d'a serreta, en a balle de Campodarbe, en á par d'ande s'esemboca ro [[barranco d'a Ferrera]] e que ne sale d'un lateral d'a carretera A-1604 ([[Boltaña]] - [[Samianigo]]) nomás á bellos 2 Km d'a capital de l'Ara. Ixa pista enfila o monte debant d'a bista d'os caseros d'[[Espierlo]], e puya 5,7 Km (d'alcuerdo con o retulo que hay á baxo á piet d'a carretera) ta Silbes, e dispués bello par de quilometros más t'allá d'iste lugar continua ta [[l'Aligar]]. Ista pista ye de tierra e s'ha pasau buenos años espaldada d'escorrenteras e aguazos que la feban bien ranzia de pasar, pero atualmente (nobiembre de 2007) se-i son fiendo labors de millora, amplando-la, e quitando-ne as peñas que fesen estorbo en pasar, e asinas se puet dezir que ye posible puyar encluso con automobiles de turismo.
[[Image:26.Silves 01.JPG|left|thumb|200px|Bellas casas de Silbes yeran bien antiguas, pero s'espaldón en quedar-se albandonau o lugar. Capitels, escudos, cuairons e trapaziaduras que teneban as casas alabez las saqueyón.]]
Silbes eba teníu casas siñorials en tiempos rezientes, e bellos d'os abitantes d'a redolada en tienen recuerdo, pero en quedar-se albandonau de todo en os años 70, muchas d'as casas s'espaldón e una parte grande d'o patrimonio que teneba (mueble e inmueble) el debión de robar, pos que en mirar restas d'os cuairons e bastidas bien labraus que prometeban os mayores de [[Boltaña]] no se n'ancuentra denguno.
D'ixes zagueros abitantes d'o lugar en diz una canzión d'[[La Ronda de Boltaña|A Ronda de Boltaña]], pos á trabés d'os güellos d'un nino que marcha de días t'a escuela de Boltaña en retrata ra bida como se feba d'antiguos en os lugars d'a balle d'a capital sobrarbenca por contraposizión con a billa, que yera ya en ixes años (decadas d'os 50 e 60) fuertamente enfluenziada por a colonia de treballadors (benitos d'atros puestos) d'a [[Iberduero]] que teneba. Tanto más á l'estilo d'a tierra baxa, que se-les ne rediban d'os costumbres e d'a fabla mesmo á os ''montañeses'' d'os lugars amparaus.
[[Image:30.Silves 06.JPG|thumb|right|150px|O camino de '''Silbes''', ''de tardada y al tornar''. Ta baxo en a fusca.]]
En a canzión d'a Ronda s'esplica bien lo duro que yera o camino de puyar ta Silbes, que en parabras d'o nino que en salir d'a escuela el feba yera bien paboroso, pos pasaba por dintro d'as bosqueras d'ixa obaga d'o monde t'arriba e ye bien berdat que s efa asinas.
{| style="float:center;width:40%;background:#FFFACD;border: darkgreen solid 1px;"
|
<center>''De tardada y al tornar''</center>
<center>''chunto a l'Ara he de pasar''</center>
<center>''por o puen que m'endreza ta o lugar.''</center>
<center>''O camín he de puyar,''</center>
<center>''me prenzipio a xorrontar,''</center>
<center>''boi cantando y as bruxas s'en irán.''</center>
<br>
<center>[[La Ronda de Boltaña]], ''Baxando t'a escuela''</center> <center><small>[[Banderas de humo]], [[1998]]</small></center>
|}
==Enrastres esternos==
*{{commons|Category:Silves (Huesca)|Silbes}}
*{{an}} [http://www.aragonesasi.com/aragones/huesca/boltana/silves.php Estadisticas de Silbes en o portal ''AragonEsAsi'']
{{Lugars de Boltaña}}
[[Categoría:Lugars de Uesca]]
| |||