Un '''numero''' ye una entidat abstracta que representa una cantidat (d'una [[magnitut]]). Ye o concepto que surte d'o resultau de [[contar]] as cosas que fan un conchunto ([[Numero natural|numeros naturals]]), u una cheneralización d'iste concepto.
Os numeros se fan servir ta contar y ta [[medir]]. A os signos que sirven ta representar numeros en un sistema de numeración se les diz [[Zifra (matematicas)|zifras]] pero por un regular a palabra ''numero'' se fa servir igual ta designar o concepto como o signo. En [[matematicas]] o concepto de nombre s'ha iu cheneralizando y a palabra s'emplega ta numeros como o [[zero]], os [[numero negativo|numeros negativos]], os [[numeros racionals]], os [[numeros irracionals]] y os [[numeros complexos]].
A [[sciencia]] que estudea os numeros ye l'[[aritmetica]]. Os nombres amaneixioron ya en a prehistoria, con a necesidat de contar, más que más por motivos economicos, os obchectos y pertenencias. Manimenos, i hai culturas que no han desembolicau garra [[sistema de numeración]], y que tienen nomás os conceptos d'"un", "dos" (u plural), y "muitos".
