Diferencia entre revisiones de «Chuguet sexual»

Contenido eliminado Contenido añadido
Pachina creyada con 'thumb|250px|Beluns chuguetz sexuals. Un '''chuguet sexual''' ye qualsiquier obchecto que s'ha creyau, adaptau u amillorau pa…'
(Garra diferencia)

Versión d'o 12:27 3 set 2020

Un chuguet sexual ye qualsiquier obchecto que s'ha creyau, adaptau u amillorau pa producir una sensación sexual a traviés d'a estimulación d'as zonas erochenas humanas. Si bien muitas imitan a forma d'os chenitals, o concepto de chuguet sexual incluye totz aquells artefautos que tienen un relieu, volumen u forma tals que permiten estar, u bien introducius en foratos corporals (prencipalment boca, vachina u ano), u bien apegaus a atras partis d'o cuerpo.

Beluns chuguetz sexuals.

Os chuguetz sexuals se venden con mayor freqüencia en una botiga de sexo, pero tamién se pueden vender en una botica, una botiga d'articlos de tocador u grans magazens. Os chuguetz sexuals de hue son disponibles en quasi totz os países pa hombres y mullers.

No existen normas de seguranza en a industria d'os chuguetz sexuals. Os chuguetz sexuals se venden como articlos novedosos, por o que no ye necesario complir con bellas regulacions, como que informar sobre os productos quimicos y os materials utilizaus en un producto. Existen regulacions como que REACH , y qualques chuguetz sexuals pueden complir con isto, tot y que os fabricants no tienen a obligación d'aconseguir o complimiento. Un estudeyo de 2006 realizau por Greenpeace en os Países Baixos trobó un alto libel de ftalatos en siet d'os ueito chuguetz sexuals de plastico prebaus.[1]

Antis d'usar un chuguet sexual, os propietarios han de prener precaccions. Cal mirar esgarranyadas u crepas que puedan danyar l'interior d'a vachina u l'ano. Tamién han d'utilizar lubrificants adequaus; o lubrificant de silicona descompone os chuguetz de silicona y os lubrificants a pur d'olio descomponen os condons de látex.

A limpieza d'os chuguetz sexuals tamién ye muit important pa la salut sexual y a seguranza d'os chuguetz sexuals. Limpiar-los privará a posibilidat d'una infección bacteriana, malautía de transmisión sexual (MTS) (si se comparten) u l'emprenyatura (si encara i hai esperma en o chuguet).

Referencias