Diferencia entre revisiones de «Diners»

Os '''diners''' (u '''dinero''' en singular) (d'o [[latín]] ''< DENARIU'' "denario")<ref> {{es}} [[Santiago Bal Palazios]]:''Vocabulario dialectal del habla de Maella (Aragón)'', [[Gubierno d'Aragón]], [[2000]], ISBN 84-7753-840-9, p.96 </ref> son un medio d'intercambio de [[mercaderías]]. Ye decir, os diners, se pueden intercambiar por qualsiquier tipo de bien material u servicio. En cheneral, cal que o que se fa servir como dinero sía escaso, bien porque s'emplega un bien naturalment escaso, como l'[[oro]] u atros metals preciosos, u bien porque se fa artificialment escaso, como sería o caso d'as [[moneda]]s y [[billet de banco|billetz de banco]].

En l'actualidat, os diners son una abstracción, a lo menos en as sociedatz industrializatas. A más gran parti d'a reserva monetaria d'un país no existe fisicament, sino como una entidat contable. As monedas y os billetz (os diners en efectivo) son os tipos de diners ''fisicos'' más habituals huei en día, encara que materials como l'[[oro]] u l'[[archent]] encara mantienen as propiedatz esencials d'o dinero. A prencipios d'o [[sieglo XXI]], l'uso de ''diners electronicos'' ([[tarcheta de credito|tarchetas de credito]] u debito) ye cada vegata más freqüent en os países industrializatos.