Diferencia entre revisiones de «Anthophila»

As '''abellas'''<ref name=BARCOS>{{es}} [[Miguel Ánchel Barcos]], ''El Aragonés Ansotano: estudio lingüístico de Ansó y Fago''; [[Gara d'Edizions]]. Zaragoza, 2007, p 163.<small>ISBN 978-84-8094-058-0</small></ref><ref name="BENBALL">{{es}} [[Ángel Ballarín Cornel]]: ''[[Diccionario del Benasqués]]''. Institución Fernando el Católico, Zaragoza, segunda edición 1978. p 20.</ref> ([[Nombre scientifico|scientificament]] '''Anthophila''') son una [[familia (biolochía)|subfamilia]] d'[[insecto]]s voladors, emparentaus con as [[vriespa]]s y as [[formiga]]s. Son adaptaus t'alimentar-sen de néctar y tienen una función mui important en a [[polinización]] de [[planta]]s con [[flor]]s, por o que se dicen [[polinizador|polinizaderas]]. As abellas tienen una luenga larga que emplegan ta obtener o [[néctar]] d'as flors. Tienen tamién antenas compuestas de tretze segmentos en os masclos y dotze en as fembras. D'alas, en tienen dos pars, estando o zaguero o más chicot d'os dos. As suyas patas son adaptadas ta cullir o polen y a péndiz d'o suyo [[estomago]] ye un [[fizón]] que emplegan ta esfender-sen.

As mas enantadas d'istas son as colonias [[eusocial]]s, trobadas en as abellas de [[miel]] y as abellas sin de fizón.

As abellas eusocials viven en grans [[arna]]s, cadaguna d'as quals tiene una sola [[reina]] chunto con as [[abella fainera|abellas faineras]] y os abellotz (masclos).

O ciclo d'a vida d'os [[bombolón|bombolons]] s'enceta en a primavera quan a reina dispierta d'a suya [[hibernación]]. En ixe inte a reina ye a que fa tot o treballo porque encara no bi'n ha d'abellas faineras. A reina mira un puesto an construir o suyo niedo y construye as [[bresca]]s de miel. Ye tamién qui s'encarga d'a collita de néctar y polen. As colonias de bombolons mueren en [[agüerro]], dimpués de criar una nueva cheneración de bombolons reina, que perviven individualment en puntos amagaus. Curiosament, bells bombolons reina se cubillan en hibierno en arnas de [[abellas de miel]], an son trobadas a ormino muertas en a primavera por os arners (presumiblement, muertas por as abellas de miel. S'esconoixe si beluna ha aconseguiu de pervivir durant o l'hibierno en ixe ambient.

En o caso d'as abellas de miel, que perviven como colonia durant o l'hibierno, a reina principia a frecar en hibierno, parando-se t'a primavera. Iste comportamiento ye probablement activau por a duración d'o día. A reina ye a sola fembra fértil y pone totz os [[uego]]s, d'os quals naixerán todas as demás abellas. Con excepcion d'a suya volada d'[[apareamiento]] u o establimiento d'una nueva colonia, a reina no albandona quasi nunca l'[[arna]] dimpués d'haber-se tornau as corcas en abellas crexidas. A reina pone cada uego en una [[cela]] parada por as abellas faineras. O uego se creba y se torna en una corca u larva chicota que ye alimentada por as abellas anfermeras (abellas faineras que remanen en o interior d'a colonia). Dimpués d'alto u baixo una semana (pendendo en a especie), a corca ye sellada en a suya cela por as abellas anfermeras. En alto u baixo atra semana (nuevament pendendo en a especie), a corca surte como una abella creixida.