Diferencia entre revisiones de «Marilyn Monroe»

 

=== Matrimonio y primers pasos en o Cine ===

Ye fácil que por ixa vida complicata que heba tenito, Norma Jeane Baker casó o [[19 de chunio]] de [[1942]], quan nomás teneba que 16 anyadas, con James «Jim» Dougherty, un vecín 5 anyadas mes gran que Norma. En [[1943]] o suyo esposo s'encorporó a la Marina mercant y en [[1944]] a la ''[[United States Army Air Forces]]'' fendo parte d'a tripulación d'un [[avión bombardero]] ''[[B-17 Flying Fortress]]'' en misions de [[bombardeyo aerio]] sobre o territorio d'o [[Tercer Reich]] mientres a [[Segunda Guerra Mundial]]. En ixe inte, Norma treballaba en una [[fabrica]] adedicata a l'esfuerzo belico estatounitense.

 

 

Norma Jean atrayó l'atención d'un directivo d'a [[productora cinematografica]] ''[[20th Century Fox]]'', Ben Lyon, qui fació que li fesen una prebatina. O [[26 de chulio]] de [[1946]], Norma Jean signó un contracto con a productora d'una durada de 6 meses, por un salario de 125 [[Dólar estatounitense|dólars]] por semana. Ye en ixe inte quan, d'alcuerdo con a productora, decidió de cambear o suyo [[nombre artistico]] enta ''Marilyn Monroe''. O nombre de ''Marilyn'' li heba inspirato l'actriz [[Marilyn Miller]], y l'apellito ''Monroe'' lo pilló d'a familia d'a suya mai. Actuó en as cintas ''[[Dangerous Years]]'' ([[1947]], [[Arthur Pierson]], a suya primera cinta oficialment) y ''[[Scudda Hoo! Scudda Hay!]]'' ([[1948]], [[F. Hugh Herbert]]), encara que con scenas muit breus, quasi se puet decir ''[[cameo]]s''.

En [[1953]], mientres o rodache d'a cinta ''[[Gentlemen Prefer Blondes (cinta)|Gentlemen Prefer Blondes]]'', dirchita por [[Howard Hawks]] y a on compartiba a scena con l'actriz [[Jane Russell]], Marilyn esdevenió amiga de Jane Russell. Tamién en ixa mesma anyada rodó a cinta ''[[How to Marry a Millionaire]]'', una comedia romantica dirichita por [[Jean Negulesco]] seguntes un guión de [[Nunnally Johnson]] y a on compartió o rodache con as actrices [[Lauren Bacall]] y [[Betty Grable]], estando una cinta con un argumento sencillo basato en a vida de tres [[modelo]]s que miraban de casar-se con un millonario. Istas dos cintas contribuyoron a enamplar a suya creixent popularidat entre o publico estatounitense. Sindembargo, Marilyn expresó mientres una entrevista en o diario ''[[New York Times]]'' a suya pretensión de fer un papel dramatico, pretensión que fació saber tamién a Darryl F. Zanuck, qui se negó mesmo a fer-ne as prebas pertinents t'a cinta ''[[The Egyptian (cinta)|The Egyptian]]'' que dirichió [[Michael Curtiz]] en [[1954]] y a on o papel que Marilyn miraba de fer lo interpretó [[Jean Simmons]]. Ta compensar, li ufrioron o papel protagonista en a cinta ''[[River of No Return]]'', un ''[[western]]'' dirichito en 1954 por [[Otto Preminger]] seguntes un guión de [[Frank Fenton]], compartindo scena con [[Robert Mitchum]]. Marilyn afirmó dimpués que mereixeba bella cosa millor que un papel en una cinta de western de [[serie Z]], y mientres o rodache tenió muitos problemas con o director Otto Preminger, con qui remató por no parlar-ne. Quan li ufrioron un papel en una cinta compartindo parella scenica con [[Frank Sinatra]], se negó y a productora ''[[20th Century Fox]]'' li suspenió o suyo contrato.

[[Imachen:Gentlemen Prefer Blondes Movie Trailer Screenshot (6).jpg|right|thumb|250px|Marilyn Monroe en una scena d'a cinta ''[[Gentlemen Prefer Blondes (cinta)|Gentlemen Prefer Blondes]]'' ([[1953]]), con [[Jane Russell]].]]

[[Imachen:William Powell, Lauren Bacall, Betty Grable and Marilyn Monroe in How to Marry a Millionaire trailer.jpg|left|thumb|250px|Marilyn Monroe en una scena d'a cinta ''[[How to Marry a Millionaire]]'' ([[1953]]), con [[Lauren Bacall]], [[William Powell]] y [[Betty Grable]].]]

En [[1955]], a traviés de [[Truman Capote]], contactó con l'actriz britanica [[Constance Collier]], de qui recibió clases de comedia, pero que morió o [[21 de mayo]] de [[1955]]. Marilyn demandó a la suya productora de treballar con [[Alfred Hitchcock]], con qui heba treballato Collier, pero a Hitchcock no li cuacaban as actrices con un apariencia tan sexual como teneba Marilyn Monroe y preferiba treballar con actrices royas mas frías, como [[Grace Kelly]] u [[Tippi Hedren]]. Quan rodaba ''[[There's No Business Like Show Business]]'' en 1954, Marilyn heba conoixito a [[Paula Strasberg]] y a la suya filla [[Susan Strasberg]], y asinas lis demandó d'estudear en l'''[[Actors Studio]]'' con [[Lee Strasberg]], o marito de Paula y pai de Susan, que en yera uno d'os establidors. Quan conoixió a Lee Strasberg, iste l'acceptó como alumna.

En ixas envueltas, Marilyn ha heba consolidato a suya relación con o escritor [[Arthur Miller]], y a prensa prencipió a charrar d'una relación que ya teneba una durada de mas d'una anyada, con a quala cosa rematoron por casar-se o [[2 de chunio]] de [[1956]].

 

 

En [[1958]] l'actriz no estió present en os [[scenario]]s, centrando-se en o suyo matrimonio con Arhur Miller, plegando a tener un [[alborto]] natural l'[[1 d'agosto]] de [[1957]]. Dabant de tot ixo, o suyo marito li deció de tornar a o cine, a on treballó en ''[[Some Like It Hot]]'' dirichita por [[Billy Wilder]], chunto con os actors [[Tony Curtis]] y [[Jack Lemmon]] (amás de [[George Raft]], [[Joe E. Brown]] y [[Pat O'Brien]]). Mientres o rodache d'a cinta Marilyn tenió problemas por a suya manca d'atención, por oblidar-sen de scenas, etc. Con tot ixo remató a suya amistat con Tony Curtis, qui deciba que besar-la yera alto u baixo como besar a [[Adolf Hitler|Hitler]]. Estando [[Emprenyatura|prenyata]] mientres o rodache, tenió un atro alborto en aviento de 1958, quan ya heba rematato a filmación d'a cinta.