Debito a las buenas comunicacions d'Aragón con o [[País Vasco]] y [[Francia]] y a la suya orografía ha estato siempre un puesto privilechiato ta las actividatz d'ETA.
En total 17 personas han muerto en o país debito a los atentatos, a más gran parti d'els relacionatos con a [[Guardia Civil]] u o l'[[Exercito]]. As dos primeras victimas d'ETA en Aragón estioron Manuel Rivera Sánchez y Ángel José Ramos Saavedra, comandant y soldato dde l'o Exercito que morioron dimpués que esclatase l'autobus melitar en que viachaban en a Plaza de San Chuan d'os Panetz de [[Zaragoza]] o día [[30 de chinero]] de [[1987]]. Ixe mesmo anyo, l'[[11 d'aviento]], se produció tamién o pior atentato d'ETA en Aragón con o esclatito d'un coche-bomba en a casa d'a Guardia Civil de l'Avenita de Catalunya de Zaragoza, morindo 11 personas, entre ellas cinco ninas.
En [[1989]] moriba en [[Chaca]] sarchento d'ode l'exercito Joaquín Bordonaba en un atentato con libro-bomba. Dica l'anyo [[2000]] ETA no torna a actuar en Aragón y ye o [[20 d'agosto]] de [[2000]] en [[Sallén de Galligo|Sallén]] quan son asasinatos os guardias civils Irene Fernández Pereda y José Ángel de Jesús Encinas con una bomba penchata en os baixos d'o suyo coche. Un anyo dimpués ye asasinato de tres tiros en a carrera Cortz d'Aragón o president d'o [[Partito Popular d'Aragón]] Manuel Giménez Abad quan se'n iba ta [[Estadio de la Romareda|La Romareda]] a veyer a lo [[Real Zaragoza]].
Bi ha habito atros atentatos d'ETA en Aragón como por eixemplo en o Corte Inglés de [[Paseyo de Sagasta|Sagasta]] en que nomás habió danyos materials y bellas personas feritas.
