Diferencia entre revisiones de «Reino de Castiella»

O '''Reino de Castiella''' apareixió como entidat politica autonoma a partir d'o [[sieglo X]] como condato vasallo d'o [[Reino de Leyón]]. Ista tierra yera habitata mas que mas por habitants d'orichen [[Cantabria|cantabro]] y [[País Vasco|vasco]] con un dialecto romance propio, o [[idioma castellán|castellán]] y unas leis diferenciatas. O suyo nombre se prenió debito a la gran cantidat de castiellos que se trobaban en a zona.

En l'anyo [[1029]] [[Sancho III de Navarra|Sancho III ''o Mayor'' de Navarra]] adquiere o Condato de Castiella gracias a la suya muller [[Munia I de Castiella|Munia de Castiella]], chirmana d'o zaguer conte de Castiella, [[Garcia II de Castiella]]. Con a puyata a o tron de Sancho III, o condato de Castiella esdeviene un reino gracias a o suyo títol de [[rei de Navarra]]. A la suya muerte, escaicita en l'anyo [[1035]], deixa o chicot Condato de Castiella a o suyo fillo [[Ferrando I de Castiella|Ferrando I]].

Ferrando I, casato con [[Sancha I de Leyón|Sancha de Leyón]], chirmana de [[Beremundo III de Leyón|Beremundo III]], prevocó una guerra en a que morió o sobirán leyonés en a [[batalla de Tamarón]]. En morir sin descendencia dreita, Ferrando I reclama os dreitos d'a suya muller Sancha y el mesmo se fa con o poder, estando nombrato rei de Leyón o día [[22 de chunio]] de [[1038]]. Ista sería a primera unión d'os reinos de [[Reino de Leyón|Leyón]] y Castiella.

[[Sanch II de Castiella]] s'alió con o suyo chirmán [[Alifonso VI de Leyón]] y entre os dos conquistoron Galicia a mans d'o suyo chirmán chicot, [[García I de Galicia]]. Sancho II, no contento con Castiella y a metat d'o [[Reino de Galicia]], ataca a o suyo chirmán y ocupa Leyón con l'aduya d'[[o Cit]]. Gracias a la suya chirmana Urraca, en a ciudat de [[Zamora]] se refuchia a mayor parti d'o exercito leyonés, a o que Sanch asedia pero a on o rei castellán ye asasinato o [[1072]] por o noble leyonés [[Vellido Dolfos]], retirando-se as tropas castellanas. D'ista traza [[Alifonso VI de Leyón]] recuperó tot o territorio, gubernando como rei de Leyón, Castiella y Galicia. Ista ye a segunda unión d'os reinos de Leyón y Castiella, manimenos, continan existindo dos reinos diferenciatos.

Con Alifonso VI se produce un amanamiento a la resta de reinos europeus, mas que mas a o [[Reino de Francia]], casando a las suyas fillas [[Urraca I de Castiella|Urraca]] y [[Tresa de Leyón y Núñez|Tresa]] con [[Ramon de Borgonya]] y [[Henrique de Borgonya]].

A la muerte d'Alifonso VI fue succedito por a suya filla [[Urraca I de Castiella]]. Ista se casó, en segundas nupcias, con [[Alifonso I d'Aragón]], pero por no conseguir a unificación d'os reinos y debito a os grans enfrontinamientos de clases entre os dos reinos, Alifonso I repudió a Urraca en [[1114]], lo que agudizó os enfrontinamientos entre os dos reinos. Si bien o [[papa]] [[Pasqual II]] heba anulato o matrimonio anteriorment, els continoron chuntos dica ista calendata. Urraca tamién s'enfrontinó a o suyo unico fillo, [[Alifonso VII de Castiella|Alifonso]], que estió inicialment nombrato [[Rei de Galicia]], ta fer valer os suyos dreitos sobre iste reino.

A la muerte d'Urraca en l'anyo [[1126]] Alifonso VII fue nombrato rei de Castiella y Leyón, anexionando-se posteriorment tierras d'os [[Reino de Navarra|reinos de Navarra]] y [[Reino d'Aragó|Aragó]], debito a la debilidat d'istos reinos causata por a suya secesión a la muerte d'Alifonso I d'Aragón. Alifonso VII renunció a o suyo dreito a la conquiesta d'a costa [[Mar Mediterrania|mediterrania]] en favor d'a nueva unión d'o Reino d'Aragón con o [[Condato de Barcelona]] por meyo d'a voda de [[Peironela d'Aragón]] con [[Remón Berenguer IV de Barcelona|Remón Berenguer IV]].

A la muerte d'Alifonso VII os suyos dominios fuoron dividitos atra vegata, estando [[Sancho III de Castiella]] nombrato rei en [[1157]]. En l'anyo [[1230]] torna a apareixer a rivalidat entre os dos reinos quan ye nombrato [[Ferrando III de Castiella]] hereu d'os dos reinos gracias a o l'herencio de su pai, [[Alifonso IX de Leyón]], y a cesión d'o reino por parti d'a suya mai, [[Berenguela de Castiella]]. Ferrando III aproveitó o declive d'o [[Almuades|Imperio Almuade]] ta conquerir a val d'o río [[Guadalquivir]] mientres que o suyo fillo [[Alifonso X de Castiella|Alifonso]] preneba o [[Reino de Murcia (Corona de Castiella)|Reino de Murcia]].