Diferencia entre revisiones de «Descusión usuario:EBRO/Archivo 2015»

Ta yo que no son a mesma cosa. L'articlo 'pleta' ye un articlo que fa tiempos que me rondiaba a cabeza fer, pero no l'he emprendido porque me faltaba confirmar informacions. Una pleta, seguntes a ideya cheneral que traigo, ye mas un tipo de placeta (quan ye en poblau) con bifurcación de dos carreras (u dos camins en o campo, anque siempre aman de corrals u construccions) que puede tener desnivel u bella atra forma de separación fesica entre os dos camins que desbarran. Me pienso que a importancia le viene de que en as aldeyas sirve ta triar as uellas. Isto ye important quan s'esquira: se desepara la ramada en grupetz (estallos) que s'esquira dimpués y a la resta de uellas se las mete en un campo, una era, etc. t'aguardar a hora. En os lugars altos u en desnivel i hai racolons en a cheografía urbana que se les diz 'pleta' de no sé qué u 'pleta' de no sé quantos (tamién lo he visto en camins, por ixo te lo digo), pero en cheneral se cumple que son puestos que facilitarían (s'intuye) deseparar as ramadas, desbarrar a os bichos si se les fa correr cara t'allá. Fa poco me leyié un libro d'Enrique Satué sobre Ainielle y vide que i hay un puesto en ixe lugar que en dicen 'o esbarradero' y me fizo pensar en isto que te digo. De fecho, lo que pensé ye literalment 'por qué no le diciban a pleta?'. Puede estar que de Sobrepuerto t'allá no se le diga. Creigo tamién que a confusión entre as dos parolas puede estar fácil por a proximidat fonetica, y puede dar-se-le o significau d'un a l'atra en seguntes qué puestos d'a cheografía, formando localismos, pero yo evitaría cheneralizar-lo. Una cleta ye una cosa, y un cletau tamién, pero una pleta no ye lo mesmo y no acaba nian d'estar en o mesmo campo semantico, diría yo. --[[Usuario:Lascorz|<font color="#004225">'''Lascorz'''</font> ~ ]][[Imachen:Aragon Coat of Arms .svg|10px|Casa nuestra]]~[[Imachen:Tree of Sobrarbe Arms.svg|10px|Casa mía]] ([[Descusión usuario:Lascorz|<font color="#0047AB"><i>'kjez'res</i></font>?]]) 22:02 26 ago 2015 (UTC)