Dopache esportivo

O termin dopache (d'o verbo anglés dope, «endrogar») s'utiliza cheneralment para definir l'uso de substancias u metodos prohibius en o esporte. Manimenos, dende a introducción d'o Codigo Mundial Anti dopaje por l'Achencia Mundial Anti dopaje (WADA-AMA) en l'anyo 2003, con una nueva edición en o 2009 y unatra en o 2015, o concepto s'ha enamplau y s'aplica quan se comete qualsiquiera d'as infraccions d'as normas antidopache descritas en dito codigo. Dende l'1 de chinero de 2015 ha prencipiau a rechir o Codigo Mundial 2015 que tien cambeos importants respective a las dos versions anteriors.

l'AMA define o dopache como que a ocurrencia de qualsiquiera d'as siguients violacions d'as reglas antidopaje:

1. A presencia d'una substancia prohibida, os suyos metabolismos u marcadors en o cuerpo d'un atleta.
2. L'uso, u intento d'uso, d'una substancia u metodo prohibius.
3. Refusar suministrar una muestra, no fer-lo sin causa chustificada, u evadir de qualsiquier modo a recolección de muestras.
4. No estar disponible para as prebas dimfuera d'a competición, no presentar os documentos debius, u no indicar án se troba en tot momento (en tres ocasions a lo largo de 18 meses).
5. Fer trapa entre os controls u intentar-lo de qualsiquier forma.
6. A posesión de substancias prohibidas u de metodos prohibius.
7. A compraventa u intento de compraventa de substancias prohibidas u de metodos prohibius.
8. Administrar u intentar administrar substancias u metodos prohibius a un atleta, u aduyar, animar, asistir, encubrir u dentrar en qualsiquier tipo de complicidad que involucre una violación u intento de violación d'una regla antidopache.
9. Complicidad. (Codigo 2015)
10. Asociación prohibida. (Codigo 2015)

Se prencipia a constituir un posible caso de dopache quan se'n fa bella d'as anteriors infraccions. Manimenos, dimpués de evidenciarse de bella traza tal infracción, o esportista u personal que la haiga cometiu, tiene dreito a un proceso levau a cabo por un organismo disciplinario, en o qual podría contrimostrar eventualment a suya innocencia y tiene dreito igualment a acudir a instancias d'apelación.

Historia

En Espanya s'empecipió a actuar sobre os esportistas que presuntament se dopan dende a dentrada en vigor d'a ley de salut de l'esportista en Espanya de 2006. Ista ley ye adaptata cada vegata que bi ha cambios d'o concepto de dopache o sustancias prohibidas, a zaguera modificación ye de l'anyo 2015.

• López Corbalán, Juan Carlos, {{{títol}}}, Azarbe. ISBN 84-96299-44-9. Editorial Nausicaä
• López Corbalán, Juan Carlos, {{{títol}}}, Diego Marin.ISBN 84-95095-58-0
• López Corbalán, Juan Carlos, {{{títol}}}.ISBN 84-605-6727-3 Depósito Legal Mu-1222-2010

• O dopaje en o esporte. Serie d'articlos con una versión distinta a la oficial
• Dopaje en o Esporte. Plan de luita contra o dopaje. Guías educativas, listas prohibidas y formularios d'autorización
• Articlo oficial de l'Asociación de Tenistas Profesionals an Martín Rodríguez ye castigau por sobreixer limites legals de antidopaje sobre l'uso de cafeína.
• Dopaje en o futbol
• Instituto Municipal d'Investigación Medica, Barcelona
• Achencia Espanyola Antidopaje