Diferencia entre revisiones de «Urano (planeta)»

'''Urano''' ye a sietena [[planeta]] dende o [[Sol]], a tercera mas gran y a quatrena mas masiva d'o [[Sistema Solar]]. Se clama asinas en honor a la divinidat griega d'o cielo [[Urano (mitolochía)|Urano]] (en griego ''Οὐρανός'') o pai de [[Cronos]] ([[Saturno (mitolochía)|Saturno]]) y o lolo de [[Zeus]] ([[Chupiter (mitolochía)|Chupiter]]). Encara que ye visible a lo uello humán como as atras cinco planetas clasicas, nunca no fue reconoixito como planeta por os observadors antigos debito a la lentitut d'a suya orbita.<ref>[http://www.mira.org/fts0/planets/101/text/txt001x.htm MIRA's Field Trips to the Stars Internet Education Program]. Monterey Institute for Research in Astronomy</ref> Sir [[William Herschel]] anunció lo suyo descubrimiento lo [[13 de marzo]] de [[1781]], expandindo asinas os limites conoixitos d'o [[Sistema Solar]] por primera vegata en a historia moderna. Tamién estió lo primer descubrimiento d'una planeta emplegando un [[telescopio]].

 

Urano ye parellán en composición a [[Neptuno (planeta)|Neptuno]], y os dos tienen una composición diferent d'as atras dos [[chigant gaseosa|chigants gaseosas]] ([[Chupiter (planeta)|Chupiter]] y [[Saturno (planeta)|Saturno]]). Por ixo, os astronomos a vegatas las clasifican en una categoría diferent, as chigants chelatas. L'atmosfera d'Urano, encara que ye parellana a la de Chupiter y Saturno por o feito d'estar composata prencipalment d'[[hidrochén]] y [[helio]], contiene una proporción superior de chelos, como [[augua]], [[amoniaco]] y [[metano]], chunto con trazas d'[[hidrocarburo]]s.<ref name=Lunine1993/> Tien l'atmosfera planetaria mas freda d'o Sistema Solar, con una temperatura minima de 49&nbsp;[[kelvin|K]] (−224&nbsp;[[Celsius|°C]]). Tien una estructura de [[nuble]]s complexa, por rans, a on que se creye que as nubles mas baixas son d'augua, y as mas altas de metano.<ref name=Lunine1993>Lunine, Jonathan. I.. «[http://adsabs.harvard.edu/abs/1993ARA%26A..31..217L The Atmospheres of Uranus and Neptune]». Annual Review of Astronomy and Astrophysics, vol. 31, pàg. 217–263.</ref> En contraste, o interior d'Urano se composa prencipalment de chelo y roca.<ref name=Podolak1995>Podolak, M.; Weizman, A.; Marley, M.. «[http://adsabs.harvard.edu/abs/1995P%26SS...43.1517P Comparative models of Uranus and Neptune]». Planet. Space Sci., vol. 43, 12, pàg. 1517–1522.</ref>

 

Como as atras planetas chigants, Urano tien un sistema d'[[aniellos de planetas|aniellos]], una [[magnetosfera]], y numerosos [[satelite natural|satelites]]. O sistema d'Urano tiene una configuración unica respective a las atras planetas porque o suyo [[eixe de rotación]] ye muit tombato, quasi dica o suyo plan de revolución arredol d'o Sol. Por tanto, os suyos polos norte y sud se troban a on la mayoría d'as atras planetas tienen o [[linia equatorial|equador]].<ref name=Smith1986>Smith, B.A.; Soderblom, L.A.; Beebe, A.; et.al. ''[http://adsabs.harvard.edu/abs/1986Sci...233...43S Voyager 2 in the Uranian System: Imaging Science Results]''. Science, 233. 1986]</ref> Vistos dende a Tierra, os aniellos d'Urano pueden pareixer que rodian a planeta como una diana, y que os satelites chiran a lo suyo arredol como as agullas d'un reloch, encara que en 2007 y 2008, os aniellos apareixioron de costato. En 1986, as imachens d'o ''[[Voyager 2]]'' amostroron Urano como una planeta sin garra caracteristica especial en a banda de luz visible, sin as bandas de nubles u [[tempestat]]z asociatas con os atros chigants.<ref name=Smith1986/> Manimenos, os observadors terrestres han visto sinyals de cambeos d'[[estación de l'anyo|estación]] y un aumento de l'actividat meteorolochica en os zaguers anyos a mida que Urano s'amana a lo suyo [[equinoccio]]. As velocidatz d'o viento en Urano pueden plegar dica os 250 metros por segundo (900&nbsp;km/h).<ref name=Sromovsky2005>Sromovsky, L.A.; Fry, P.M.: ''[http://adsabs.harvard.edu/abs/2005Icar..179..459S Dynamics of cloud features on Uranus]''. Icarus, 179. 2005</ref>

 

== Referencias ==