Diferencia entre revisiones de «Castiello Mayor»

O mallo d'o '''Castiello Mayor''' (tamién '''''Castiel Mayor''''' ocasionalment) ye una formación [[calsinera]] que se troba d'entre la [[valle de Puértolas]] y [[valle de Tella|la de Tella]], anque por suerts d'a partición municipal, está de raso adintro d'o municipio de [[Puértolas]], pos éste encluye mesmo los lugars d'o canto meridional ([[Puértolas]], [[Bestué]], [[Santa Chusta de Puértolas|Santa Chusta]]) como los d'a man norte ([[Biés]] y [[Escuaín]]) anque éstes zagueros se troban abocatos en a valle de Tella.

 

[[Image:110.Mallarruego.JPG|200px|left|thumb|A diversidat floristica d'o paco d'o Cillo de Mallarruego, en l'endreito d'a ''Font Frida'' ([[Escuaín]]).]]

Per o surueste, las [[glera]]s d'''As Col·laruelas'' en fan la baixada enta los ''barrancos de l'Arrés'' per la man [[Puértolas|puertolasa]]. Perque ye tan ferioso per os cantos, embironato quasi en os 360º per [[cillo]]s y [[penya]]s que fan d'ir como que son murallas (per ixo ye que tiene l'apelativo ''castiello''), ye una montanya bien particular, pos nomás permite de puyar-ie per una [[canal]] que tiene per o canto de [[Puértolas]], la dita ''solana d'o Castiello'', ésta ye tan estreita que ta trancar-la no cal sique un [[baranato]] simple, de poquetz metros, que deixa tota la montanya convertida en una [[corral]] chigantiza, y asinas s'ha emplegato tradicionalment.