Diferencia entre revisiones de «Sierra de Bordón»
Pachina creyada con '{{Sierra | nombre= Sierra de Bordón | imachen= Sierra_Carrascosa34.JPG | descripzión=Envista de lo cabo este de la sierra de Bordón con El Morrón (Bordón)|El Morr…' |
(Garra diferencia)
|
Versión d'o 17:12 27 chul 2019
La sierra de Bordón ye una aliniación montanyosa de lo Sistema Iberico que fa parte de la branca levantina y de la unidat morfoestructural de las serranías de Gúdar pero chunto a las serranías de Sant Chust-Castellot.[1] Se troba en la part oriental de la provincia de Teruel, en los termins municipals de Bordón y de Castellot.
La sierra de Bordón puede considerar-se como un sarrau de la sierra Carrascosa por estar-ne una prolongación a menor altaria enta lo nordeste que baixa dende lo canto de Valfollé.
Altarias
Las altarias mas grans son de 1.147 m en cabezo Cuerno y en un puesto sin indicación toponimica, seguidas d'atras como Trabina (1.085 m). L'altaria mas vistable ye El Morrón (1.020 m), con lo "soldau romano".[2][3]
En la versant norte bi ha un sarrau conoixiu como cabezos de Vallusera con bells 930-950 m d'altaria. Por la versant sud de la sierra baixan enta lo fondón de la cuenca de lo río Bordón unas lomas como las Valfartas y la loma d'El Romeral, con afloramientos churasicos.
Hidrografía
La versant norte u nordueste desaugua enta lo río Guadalop, la versant sud u sudeste lo fa enta lo río Bordón con barrancos como lo Mas de la Fuente del Ciego, Figuera, Canaleta, Pozo Negro y Fuente del Buey.
Referencias
- ↑ (es) Jose Luís Peña Monné et al. : Geomorfología de la Provincia de Teruel. Instituto de estudios turolenses, 1984. p.32, p 81-91.
- ↑ (es) Eduardo Viñuales Cobos (coordinador): Red natural de Aragón. nº 3, Maestrazgo Prames, 2006. p 148.
- ↑ (es) José Luís Simón, Luis Mampel y Diego Mallén: Lugares de interés geológico y paleontológico del Maestrazgo. Centro de Estudios del Maestrazgo Turolense. 2011.
Bibliografía
- (es) Instituto Geológico y Minero de España: Mapa Geológico de España E 1:50.000. Aguaviva. Servicio de publicaciones de Ministerio de Industria y Energía, 1979.
- (es) José Luís Simón, Luis Mampel y Diego Mallén: Lugares de interés geológico y paleontológico del Maestrazgo. Centro de Estudios del Maestrazgo Turolense. 2011.
Se veiga tamién
- Sierra Carrascosa.
- Bordón.
- Luco de Bordón.
- Las Planas de Castellot.
- Los Alagons.
- L'Alchezira.
- Santoleya.
- Torremocha.