Diferencia entre revisiones de «Toscar»

Un '''toscar'''<ref>[[Fernando Blas Gabarda]], [[Fernando Romanos Hernando]] ''Diccionario aragonés. chistabín-castellano'' pp 498. Ainas. Gara d'edizions, 2008</ref> ye un puesto a on precipita [[carbonato calcico]] sobre la vechetación producindo-se una acumulación superficial d'esta substancia, resultando la formación d'una roca [[calsinera travertinica]] con [[forato]]s dita [[piedra tosca]], [[tova travertinica]] u [[tova calsinosa]].

Las tovas calsinosas son concrecions calsinosas formadas por la precipitación de lo carbonato calcico que leva disuelto un río u l'augua de sale d'una surchencia karstica sobre la vechetación que se troba en la superficie. Las plantas y algas prenen lo [[dioxido de carbonio]] disuelto en l'augua pa fer la [[fotosintesi]], lo que fa que lis precipite en la suya superficie lo carbonato calcico en forma de lamas concentricas. Quan los vechetals mueren quedan los foratos correspondients a [[tallo]]s, [[branca]]s, [[peciolo]]s, ecetra en meyo d'una masa de carbonato calcico, por lo que la roca ye esponchosa y liuchera. La vechetación muerta ye sustituita por atra que tamién se petrificara. D'esta traza se forman grans acumulacions de tovas, los torcars, que creixen indefinidament, y se pueden formar [[salto d'augua|saltos d'augua]].<ref>{{es}} [[Eumenio Ancochea Soto]], [[Francisco Anguita Virella]], [[Fernando Moreno Serrano]]. ''Geología Procesos Externos''. [[Editorial Edelvives]], 1990.</ref>

En Aragón bi ha microtoponimos relacionaus con los toscars, tanto en zonas historicament aragonesoparlants como en zonas catalanoparlants, presentando-se variants con [[sufixo -ar]] u d'atros. En la [[Val de Tena]] tenemos lo [[Pico Tosquera]], en la Ribagorza tenemos ''[[Lo Toscar]]'' y lo macrotoponimo ''[[Foradada d'el Toscar]]'', en [[Aldeyuela (Cuencas Meneras)|Aldeyuela]] tenemos ''Masía de la Tosca'', y en [[Bezeit]] ''La Tosquera''. Tamién trobamos esta clase de microtoponimos en [[Catalunya]], como por eixemplo ''Lo Toscar'' en [[Sapeira]] ([[Tremp]]). En los toscars se fan pedreras pa espleitar la "piedra tosca" u [[tova travertinica]], que se fa servir tradicionalment pa construir [[chaminera]]s u pa limpiar.

[[Categoría:KarstFormas exokarsticas]]