Diferencia entre revisiones de «Pueyo»

A palabra ''pueyo'' deriva d'o latín ''PŎDIUM'' d'acuerdo con a [[fonetica de l'aragonés|fonetica aragonesa]],<ref name=ORONINIAFRAGO>{{es}} [[Juan Antonio Frago Gracia]]: ''Toponimia navarroaragonesa del Ebro (IV): Orónimos''. Vol. 30-31, 1982 , pachinas 23-62.</ref> que tiene una [[lei fonetica]] conoixida como "[[diftongación debant de Yod]]", por a quala una Ŏ breu latina esdeviene un diftongo ''-ue-'' mesmo si bi ha un fonema palatal. En [[latín clasico]] ''PODIUM'' teneba o significau de plataforma alta, sobre tot en un [[anfiteatro]], y yera un [[helenismos en latín|helenismo]] (πόδιον, ''pódion'' en [[griego antigo]], relacionau con ''PODOS'', "[[piet]]"). En o [[sieglo V]] ya se documenta un significau topografico de ''PODIUM'' en a obra de [[Paladio]], y ye un significau que conservan as [[luengas romances occidentals]] dende [[Italia]] dica Aragón, y en a [[baixa Edat Meya]] dica [[romance navarro|Navarra]] y [[Riochán precastellán|A Riocha]].<ref name=ASPECTOSFONETICOSRIOCHA>{{es}} [[Fabián González Bachiller]] ''Aspectos fonéticos de la toponimia riojana actual''. [[Universidat d'A Riocha]], 1997, p 28.</ref>

A palabra ''tozal'' presenta diferents significaus en diferents zonas d'Aragón, a vegadas coincidents con ''pueyo''/''cabezo'', y a vegadas no. Muitos tozals d'[[Os Monegros]] corresponden a unas formas derivadas d'o [[releu estructural]] a on a erosión plega a producir monolitos en laderas con alta pendient, que acaban en un resto de roca dura que proteche a lo conchunto d'a erosión y que presenta una extensión horizontal chica.<ref name=REFERENCEA>{{es}} [[Fernando Biarge]]: ''Piedra de Arena. El paisaje monegrino''. [[Ediciones del Mallo]], 2004. p 60.</ref> En a [[Ribera Baixa d'Ebro]] un tozal ye un pueyo con poca altaria. En qualques zonas montanyosas pirenencas os tozals son [[penya]]s, [[tormo]]s u [[cresta (topografía)|cresta]]s sin vechetación que bi ha en os cabaltos d'os monts y sierras.