[[Imachen:Cerca_de_Manchones_(Aragón).jpg|250px|thumb|dreita|Envista de la '''fuesa de Daroca''' cerca de [[Manchons]].]]
La '''fuesa de Daroca''' ye una [[fuesa tectonica|semifuesa tectonica]] de lo [[Sistema Iberico]] con dirección NW-SE que s'ubrió y se sulsió adintro de la [[depresión de Calatayú y Mont-albán]] por l'acción de la [[falla de Daroca]], que representa lo suyo cabo nordeste. Se plenó con sedimentos detriticos d'edat [[PliocénPlioceno|pliocena]]. Lo suyo cabo norte ye en lo [[termin municipal]] de [[Murero]] y lo suyo cabo sud ye en [[Luco de Xiloca]]<ref name=GEOGACETAFUESADAROCA>{{es}} [[F.J Gracia Prieto]]: ''Tectónica pliocena en la Fosa de Daroca (prov. de Zaragoza)''. [[Geogaceta]], 11, 1992. pp 127-129.</ref>; a suya marguin sudoccidental ye poco envistable. Lo fondón d'esta fuesa tectonica ye ocupau por la [[ribera]] de [[río Xiloca|Xiloca]], río que baixa dende lo Sudeste enta lo Norueste y ha iu erosionando los materials sedimentarios pliocens en lo [[Quaternario]]. La suya actividat tectonica principal remató en lo [[PliocénPlioceno]] tardano pero encara bi ha una tectonica activa muito menor que se manifiesta con cierta actividat [[sismicidat|sismica]]<ref name=NEOTECTONICAXILOCA>{{es}} [[Gracia, F.J]], [[Gutiérrez, F]]: ''Neotectónica y sismicidad del Valle del Jiloca y sus alrededores''. [[Xiloca: revista del Centro de Estudios del Jiloca|XILOCA]] nº 17, 1996. pp. 165-206. ISSN: 0214-1175.</ref>.
