Diferencia entre revisiones de «Hespital de Benás»
Pachina creyada con '{{Infobox edificio | nombre = Hespital de Benás | imachen = 250px | descripción = Hespital de Benás | tipo = Cubilar de montanya…' |
(Garra diferencia)
|
Versión d'o 13:19 25 chi 2019
Plantilla:Infobox edificio O Hespital de Benás yera un cubilar de montanya situau en o termin municipal de Benás a 1.758 metros d'altaria, en a marguin cucha d'o Esera, en o Parque Natural de Pocetz-Maladeta a o pie d'a linia de crestas que forma a frontera con Comenche.
Se troba situau a bells 13 km d'a villa de Benás y actualment ye un hotel que aculle 55 cambras con spa y a estación d'esquí de fundo y de montanya de Plans de l'Hospital.
Ya en o sieglo XII yera un hospital de caminants creyau por a Orden de Sant Chuan d'o Hespital.[1]
Historia
A existencia d'un hespital en a val de Benás se remonta a la Edat Meya, quan os caballers d'a Orden de Sant Chuan prencipioron a construyir hespitals, en o sentiu d'a epoca, ta auxiliar a os caminants que trescruzaban os Pireneus por os pasos de montanya d'a val.
No se tractaba d'hespitals ta malautos, en o sentiu actual d'o termin, sino mas bien estarían posadas ta caminants a on se les ufriba alochamiento y virolla y si lo amenistaban se les curaban as nafras que podeban haber-sen feito mientres a suya marcha, podendo quedar-se alochaus en ells mientres un tiempo dica que se trobaban en condicions fisicas de continar a marcha.
O hespital ha teniu quantas ubicacions en a val, no distando entre si mas de bells centenars de metros. As diversas ubicacions pueden estar vesitadas y se troban adecuadament senyalizas.
O primer hespital data d'o sieglo XII[2], arredol de l'anyo 1172, y d'ell nomás se conserva bellas pocas enrunas situadas a bells 600 metrs a l'ueste de l'actual hespital (en as coordenadas ). Chunto a istas enrunas s'ubican tamién as d'a capiella de Sant Salvador, tamién d'o sieglo XII.
Iste emplazamiento s'albandonó y en o sieglo XVI se construyó un nuevo hespital a bells 500 metros a l'este de l'actual hespital (en as coordenadas ) d'o que tampoco no se conservan mas que bellas pocas enrunas.
Atra vegada, ista segunda ubicación fue albandonada dimpués d'estar estricallada por un lurte o día 6 de chinero de 1826, construyindo-se un tercer hespital chunto a la ubicación d'o segundo que fue conoixiu como a "Barraca del puerto".
Posteriorment se construyó un atro, en un puesto muit amanau a o tercero, que tamién fue espaldau por un lurte dica que en 1874 se construyó un cinqueno en l'actual ubicación (en as coordenadas ) sobre o qual ye construyiu l'actual hotel.
Dimpués de mas de 700 anyos d'uso, si paramos cuenta d'os suyos diversos emplazamientos historicos, o edificio situau en a cinquena ubicación fue tamién albandonado en rematar a Guerra Civil Espanyola.
No estió dica l'anyo 1990 que s'encetó a restauración d'o edificio prencipiando a suya actividat como hotel en l'anyo 2002.
Se veiga tamién
Referencias
- ↑ (es) Inicio - Hotel Hospital de Benasque y estación de esqui nórdico, estacion esquí de fondo y montaña Los Llanos del Hospital. www.llanosdelhospital.com
- ↑ (es) Hospital, Llanos del. «Inicio - Hotel Hospital de Benasque y estación de esqui nórdico, estacion esquí de fondo y montaña Los Llanos del Hospital. hotel en el pirineo aragones dentro del Parque Natural Posets Maladeta, a los pies del Aneto.». www.llanosdelhospital.com. [Consulta: 4 novembre 2016].
Enlaces externos
- Se veigan as imáchens de Commons sobre o Hespital de Benás.
- (es) La historia milenaria del Hospital de Benasque
- (es) Hospital, hospitalidad y hospedaje Historia del hospital de Benasque
- (es) El Hospital de Benasque reabre la sala de la historia de los hospitales
|