Diferencia entre revisiones de «Río Cinqueta»

|naxedero= Dople; s'achuntan el [[río Cinqueta dela Pez|Cinqueta dela Pez]] e el [[río Cinqueta d'Anyes Cruces|Cinqueta d'Anyes Cruces]] á'l canto d'el [[Santuario de La Vírgen Blanca|santuario de ''La Vírgen Blanca'']] en [[BiadósViadors]] en o temín municipal de Chistén.

El Cinqueta tecnicament se forma n'el fundo de la pradería de [[BiadósViadors]], n'el endrecho de ''La Vírgen Blanca'' que ye á'n que se troban el [[santuario de La Vírgen Blanca|santuario]] e l'[[hespital de Chistén]], quan s'achuntan astí las dos [[garona]]s suyas que son [[río Cinqueta dela Pez|el Cinqueta dela Pez]] (baixau dela [[val de Taberners|valleta de Taberners]]) e el [[río Cinqueta d'Anyes Cruces|Cinqueta d'Anyes Cruces]] que baixa d'el puerto que tammién se diz asinas.

El Cinqueta dela Pez ye una [[garona]] que tien el nombre d'el mesmo puerto d'á'n que baixa (el puerto dela Pez), a traviés dela [[val de Taberners]] per á'n que ba recebindo l'augua d'es diferents barrancos que baixan d'es [[ibón|ibonetz]] que bi hai per alto n'ixa [[compleguera]]. Esta ribereta ye curta e corre nomás que 5 ú 6 kilometros ta baixo, ta BiadósViadors, e sobre tot, ye un puesto t'á'n que puyan es toristas per es paisaches que tiene i, pos Taberners ye un aria plena de [[borda]]s e altros edificios agricolas dispersos per es praus perque d'antes yeba un puesto t'á'n que se puyaba a treballar la picada e se'n quitaba madera ta baixo (mos-hi trobem toponimos como el puerto e el barranco dela madera que el meten bien evidente), e d'ixes treballos de tantos tiempos que hi feban estare es ombres se feban cabannas ta dormire e ixoplucar-se. S'han de destacar las unas que encara se'n biyen que tienen el tellau de palla, pos d'antes en Chistau yeban siempre asinas, e no como agora que en hay muchas que ya el tienen nomás que de pizarra u mesmo de tolas d'[[fibrocemento|uralita]].

El Cinqueta d'Anyes Cruces ye l'atra [[garona]] que alimenta el Cinqueta principal en BiadósViadors. Naixe dela ''Pleta d'Anyes Cruces'' e menos de 500 m dispués recibe el barranco d'el Royo, que baixa de l'[[Ibón Royo]] (2750 m). El Cinqueta d'Anyes Cruces corre per el [[Parque Natural de Pocetz-Maladeta]] dica l'endrecho d'el ''Pinar d'el Clot'', t'á'n que hi llega el parque, e quasi de tot en paralelo á'l camín d'el Puerto de Chistau que comunica, per entre la [[Punta de Chistau]] (2804 m) e el [[Puntal dela Collata Negra]] (2875 m), con la [[Val de Benás]]. Á'l canto d'el Pinar d'el Clot se troba el cubil·lar de Puyarrueixo.

*{{es}} [http://www.turismosobrarbe.com/modules.php?name=Cinqueta&topico=5 La val d'el Cinqueta n'el portal toristico d'el Sobrarbe].