Diferencia entre revisiones de «Occitanismos en aragonés»

[[Imachen:Nachtigall_(Luscinia_megarhynchos)-2.jpg|250px|thumb|right|'''Rosinyol''', zoonimo d'orichen occitán.]]

En aragonés bi ha uns quantos nombre d'aus d'orichen occitán. Estas denominacions se pueden explicar de diferents trazas: presencia en la [[poesía trobadoresca]], en los [[bestiario]]s medievals u entre las [[au cinechetica|aus cinecheticas]].

*''[[Aucel]]'': termin chenerico present en libros medievals como lo "''[[Breviarium ab Urbe condita]]''", lo "''[[Libro d'el Trasoro]]''", la "''[[Cronica de los Conquiridors]]''" y "''[[La Flor de las Ystorias d'Orient]]''", escrito como ''auzel'' u como ''auzell''. Deriva de lo latín ''AVICĔLLU'' seguindo las leis foneticas de l'occitán y presentando lo mesmo diftongo que l'aragonés ''[[auca]]'' < ''AVICA''.

*''[[Struthio camelus|Estrucio]]''<ref name=LIBRODELTRASORO>{{an}} "''[[Libro d'el Trasoro]]''".</ref> / ''estruccio''<ref name=LIBRODEMARCOPOLO>{{an}} "''[[Libro de Marco Polo]]''".</ref>: deriva de l'occitán antigo ''estrutz'', que procede de lo latín ''STRŪTHIŌ'', ''STRŪTIŌNIS'' [[helenismos en latín|amprau de lo griego]] στρουθιο, ''strouthio''. Dende l'occitán pasó a atras luengas por estar present en los [[bestiario]]s medievals. A part de documentar este zoonimo en traduccions medievals aragonesas dende obras escritas orichinariament en francés, se documenta atras variants aragonesas de lo zoonimo en lo lexico comercial aragonés de lo [[sieglo XV]] como ''esturz'', ''esturch'' y ''esturç'' en [[Zaragoza]] y como ''esturç'' y ''esturço'' en [[Las Barracas de los Chaqueses]], referius a ''plumas d'', ''ventals d'', ''penatxos d'' y ''huevos d''.<ref name="Sesma"/>