|
Os '''Chuegos Olimpicos''' son un escaicimiento esportivo internacional celebrato mientres os zaguers quince días d'un periodo de quatre anyos dito '''Olimpiada'''.
Encetatos orichinalment en l'[[antiga Grecia]] en a ciudat d'[[Olimpia]], de a on esdevien o suyo nombre actual, se hi celebroron 293 [[Chuegos Olimpicos de l'Antigüidat]], dica que o emperador román [[Teodosio]] los abolió en l'anyo [[393 dC]] por considerar-los un acto relichioso pagán (ye dicir, no cristián) y fuoron recuperatos por o [[barón de Coubertin]] en zaguerías d'o [[sieglo XIX]]. Os [[Chuegos Olimpicos d'Atenas 1896|primers chuegos d'a era muderna]] s'organizoron en [[Atenas]] en [[1896]]. Actualment se celebran os [[Chuegos Olimpicos de verano]] cada quatre anyos en os anyos multiples de quatre, y os [[Chuegos Olimpicos d'hibierno]] tamién cada quatre anyos, en os atros anyos parelos no múltiples de quatre. Os primers [[Chuegos Olimpicos d'hibierno]] se facioron en [[Chamonix]] ([[Francia]]) en [[1924]].
Nomás bi habió interrupcions en a organizació d'os Chuegos quan istos coincidioron con gran guerras, por a [[I Guerra Mundial]] no se podioron organizar os Chuegos de [[Berlín 1916]], os de Tokio 1940, por a [[guerra chino-chaponesa]], y se sustituyoron Helsinki 1940 que tampoco podioron fer-se por a [[II Guerra Mundial]], istas mesmas guerras tamién impidioron fer os [[Chuegos Olimpicos d'hibierno de 1940]].
Os [[Chuegos Olimpicos de l'Antigüidat]] (en [[griego antigo]]: Ὀλυμπιακοὶ Ἀγώνες), ditos d'ista forma por fer-se aman d'o santuario de [[Zeus]] en a antiga ciudat de [[Olimpia]], estioron una serie de competicions atleticas en as que partecipaban ciudadans d'as ciudats estato griegas.
Encetatos en l'anyo [[776 aC]], seguntes una recopilación de ganadors feita por [[Hipias de Elide]] en o sieglo V aC, y muito d'antis seguntes atros como Eusebio de Cesarea. En [[Olimpia]] se i celebroron 293 edicions d'os Chuegos Olimpicos de l'Antigüidat, dica que l'emperador [[Imperio Román|román]] [[Teodosio I o Gran|Teodosio]] los abolió en l'anyo [[393]] dC por considerar-los un acto relichioso pagán (ye dicir, no [[cristianismo|cristián]]).
== Chuegos Olimpicos d'a era muderna ==
=== Antecedents ===
Dende o [[sieglo XVII]] y como consecuencia de que se trencoron moldes y a [[cultura]] trenca con a richidez d'as estructuras linials de [[comportamiento]] y actuación especialment imposaus por a Ilesia, habió esdeveniments poliesportivos que belúns fuoron anomenatos "olimpicos". Un eixemplo son os ''[[Cotswold Olimpick Games]]'' organizatos por [[Robert Dover (Cotswold Games)|Robert Dover]] en [[Chipping Campden]] ([[Anglaterra]]) mientres os anyos [[1612]] y [[1642]]. <ref> {{en}}[http://www.olimpickgames.co.uk/history?id=853 Historia d'os ''Cotswold Olimpick Games''.]</ref> Un atro intent son as tres edicions de ''L'Olympiade de la République'' celebratos entre [[1796]] y [[1798]] en [[Francia]] con muitas d'as prebas que se feban en l'[[Antiga Grecia]], cal destacar que istos son a primera vegata que ye aplicau a l'esporte o [[sistema metrico decimal]].
=== Amateurismo y profesionalismo ===
Dende a primera edición os esportistas partecipants teneban que ser amateurs, es decir no podeban ser profesionals u recibir garra compensación economica por practicar esporte, se consideraba que istos teneban una ventacha considerata inchusta con os que no lo yeran. Por isto bi habió bells controversias, en os [[Chuegos Olimpicos de 1912]], [[Jim Thorpe]] fue desposeito d'as suyas medallas por que d'antis d'os Chuegos bi heba chugado semiprofesionalment a béisbol, istas medallas li fuoron restituitas en 1982 por [[Juan Antonio Samaranch]]. En os [[Chuegos Olimpicos d'hibierno de 1936]] os esquiadors de Suiza y Austria facioron un boicot a istos chuegos por que o COI consideraba a os monitors y entrenadors como profesionals por que ganaban dinero con o suyo esporte.<ref>[https://www.olympic.org/garmisch-partenkirchen-1936 Garmisch-Partenkirchen 1936 seguntes o COI.]</ref>
Con o paso d'os anyos y as edicions d'os Chuegos o concepto tan richido d'esportista amateur fue cambeando, y mas con os esportistas mantenitos y entrenatos por l'estato ta la practica esportiva prencipalment d'o Bloque de l'este sovietico, y dende 1970 as restriccions que limitaban a partecipación d'os esportistas profesionals se fuoron quitando progresivament d'a Carta Olimpica, dica l'anyo 1988 en que o COI acepta a partecipación d'os esportistas profesionals con l'aprovación d'as federacions correspodients. <ref> {{es}} [http://usatoday30.usatoday.com/olympics/owg98/osytr01.htm Symbols and traditions: Amateurism. ]</ref>
==Seus y edicions==
A [[ciudat]] anfitriona d'os Chuegos Olimpicos ye escollita siet u ueito anyos d'antis d'a suya celebración. O proceso de selección ye dividito en dos fases mientres dos anyos. O primer pas ye a comunicación de l'intrés d'a ciudat ta ser seu d'os Chuegos, nomás puede presentar-se una ciudat de cada país, si mas d'una ciudat d'o mesmo país tién intrés en presentarse o suyo CON (Comité Olimpico Nacional) fará una preselección), y presentará nomás una candidatura. Una vegata que o periodo de propuestas arriba a o suyo termín prencipia a primera fase a on cada ciudat recibe un cuestionario ta emplenar relacionato con a ciudat y a organización d'os Chuegos.
{| cellpadding="4" cellspacing="0" style="margin: 0.5em 1em 0.5em 0; background: #f9f9f9; border: none; border-left: 1px #aaa solid; border-collapse: collapse; font-size: 90%;" width=100%
|- bgcolor="#EFEFEF"
| 