|
Shams Ullaah Hairan Totakhail
[[Imachen:Colani Truck.jpg|thumb|250px|Cambión de disenyo futurista]]
O '''disenyo''' ye a representación grafica y calculo d'as dimensions d'un [[obchecto]] con a fin de definir-lo univocament y fer-ne posible a suya construcción. Actividat endrezata a consiguir a producción en serie d'obchectos útils y politos.
Proceso previo, de configuración mental, en a busca d'una solución en os campos d'as artes aplicatas, a [[incheniería]] y l'[[arquitectura]]. Como verbo, se refiere a lo proceso de creyación d'un nuevo [[obchecto]] u [[medio de comunicación]] enfilato a estructurar y configurar contenitos que premiten ser usatos ta satisfer necesidatz especificas d'os sers humans. Como sustantivo, se refiere a lo producto final fruito d'o proceso de disenyar, entendendo-se qualsiquier forma de representación; un debuixo, una maqueta, un plan u una descripción tecnica.
Disenyar precisa de condicions funcionals y esteticas. S'amenistan numerosas fases de rechira, analís, modelato, achustes y adaptacions previas a la producción d'un obchecto u sistema grafico. Antimás, complega buena cosa de disciplinas pendendo en l'obchecto u producto a disenyar, estando as prencipals: o [[disenyo grafico]], o [[disenyo industrial]], o [[disenyo textil]] u de [[moda]] y o [[disenyo d'espacios]] u [[arquitectura]]. O suyo campo d'actuación tien relación con a [[industria]] y o [[comercio]] y, como fenomén social, con a [[cultura]].
L'orichen d'o disenyo se troba en os antigos oficios d'artesans, d'os qualos deriva a la fin d'o sieglo XIX con a [[revolución industrial]] y a producción en cadena de productos.
A sobén se confunde a disenyadors con artistas, por o común denominador que representa la creyatividat en os dos campos. Manimenos, o disenyador prochecta un disenyo en función d'un encargo y ta una finalidat concreta, chustificando racionalment as suyas accions. A producción artistica, por atro canto, ye mas espontania y as suyas accions no pretenden ser chustificatas.
A ormino gosa emplegar-se o termin disenyo de forma entibocata como sinonimo de vuedo, superfluo, ornamental, u bien ta enfatizar a diferenciación u caracter innovador d'un obchecto.
== Vinclos externos ==
| 