Diferencia entre revisiones de «Valle de Tella»

La flora d'o guaz de la Capaniacha, como de tot lo paco d'o [[Castiello Mayor]], se compone d'una selva mista de [[pin royo|pinos royos]], [[caixigo]]s, [[fayo]]s, [[Fraxinus|fraixens]], [[abellanera]]s que bi escapan bien per la humedat ambiental y la quasi sempiterna uembra d'o puesto. Esta gombría ye un d'es puestos d'[[Aragón]] con mes densidat de [[cardonera]]s (''Ilex aquifolium''), que ye una [[especie]] protechita. La enclinación d'as faldas d'as montanyas que tancan la valle han feto que estás siempre plena d'endretos a on que la [[molsa]] y las especies plantars de [[clima atlantico]] s'hayan puesto cubilar. Per contras, la vesant norte d'a valle la mandan as formacions de [[pinus|pinos]] y [[Quercus|caixigos]] que son enfluyitos per lo clima mes xuco y més mediterranio d'a par de solana, y quan que en puyan mes t'alto las leneras, se pueblan de mes especies arbustivas, desapareixendo-ie es caixigos de primeras, es [[pin royo|pins royos]] nasprés, y quedando-be cosa mes que [[Buxus sempervirens|buxo]]s y altras especies d'arbustos. Las matas que dominan lo paisache [[sierra d'as Zucas|d'as Sucas]] en han dato de toponimos como "''Buixarbala''" u lo "''Matical d'a ratera''" que ye per alto de [[Reviella]].

Litolochicament, la valle de Tella ye patrimonio d'es grans macizos calcinosos d'o Pireneu central, integrando per la par de la Siarra d'as Sucas lo mesmo complechocomplexo d'estrato que lo macizo d'as [[Tres Serols]]. La composición d'o suelo local, con d'ixes afloramientos d'a penna de calz que tan prencipals son han deixato que se i fes lo sistema de canyons que la caracterizan. Amés, la roca d'estas siarras s'han foradato a saber-lo per dintro, per la erosión que han reforzato las campas de lapiar que i tenen per alto, ubrendo [[espluga|espluca]]s ta l'exterior, que fan posible que s'hayan producito espedicions [[espeleolochía|espeleolochicas]] per adintro d'o ''[[Karst]]''. Garra denguna d'as esplucas de Tella ye preparada ta que dengún la recorra sin d'equipación adequada, cal que se faya de pensar ta privar d'accidentes, perque en i hai que las han mirato de correr y luego i han pasato desgracias.