Diferencia entre revisiones de «Adverbios de tiempo en aragonés»

{{Adverbios en l'aragonés}}

Os '''adverbios de tiempo en l'aragonés''' gosan estar d'orichen latín y se subdividen en tres grupos: adverbios de localización temporal cheneral, adverbios de localización temporal absoluta y adverbios de localización temporal relativa.

Un adverbio de tiempo seguiu d'a conchunción u relativo ''que'' forma [[conchuncions de tiempo en l'aragonés|locucions conchuntivas de tiempo]]<ref name=SAURABEN>{{es}} [[José Antonio Saura Rami]]: ''Elementos de fonética y morfosintaxis benasquesas''. [[Gara d'Edizions]], [[Institución Fernando el Católico]], 2003, p 288.</ref>.

L'adverbio ''nunca'' puet ir en oracions con doble negación. A part de l'uso en oracions negativas l'adverbio ''nunca'' tamién se fa servir en oracions interrogativas y [[oracions condicionals en l'aragonés|condicionals]] con o significa de "qualque vegada".

L'adverbio ''manyana'', a l'egual que muitas [[locucions adverbials de tiempo en l'aragonés|locucions adverbials de tiempo]] expresan posterioridat.

''Antes'' deriva d'o latín ''ANTE'' a l'egual que lo [[prefixo ante-]]. En bell puesto presenta a variant ''antis'' y en [[aragonés de Valle de Vio]] presenta a lochica variant ''andes''<ref name=NUCLIARVIO>{{es}} [[Artur Quintana i Font|QUINTANA i FONT, Artur]]: ''El Aragonés nuclear de Nerín y Sercué (Valle de Vio)'', Ed. Gara d'Edicions + Institución Fernando el Católico + Diputación de Zaragoza; Zaragoza 2007. ISBN 978-84-8094-060-3. p 44</ref> con [[sonorización dezaga de liquida en l'aragonés|sonorización dezaga de liquida]]. L'adverbio ''antes''/''antis'' fa part de locucions adverbials como ''antes con antes'' y ''antis mas''/''antes más''/''d'antes'', ''antes d'ahier'' y ''antes d'anueit''.

''Dimpués'' deriva de ''DE INDE POST'', ye cheneral en l'aragonés y documentau tamién entre os restos d'aragonés d'o [[Baixo Aragón]]. Presenta a variant ''dimpuesas''.

''Alavez'' provién de ''ILLA VICE'' y ye propio de l'[[aragonés oriental]] y [[aragonés centro-oriental|centro-oriental]]. En [[aragonés benasqués|benasqués]] ye ''alavegada''. Puet estar un cognato de l'[[idioma occitán|occitán]] ''alavetz'', pero [[Chabier Tomás Arias]] lo considera un [[occitanismos en l'aragonés|occitanismo]].<ref name="VIELLOSOBRARBE"/> As formas ''alora'' u ''allora'' son propias de l'[[aragonés occidental]]. Tanto as formas orientals como as occidentals reblan debant d'a difusión d'o castellanismo ''antonces''.

[[Categoría:Adverbios en l'aragonés]]