Diferencia entre revisiones de «Somport»

== Historia ==

O puerto que hue se conoix como Somport ya estió uno d'os puestos per a on se trescruzaban os Pireneus mesmo antis de que os [[Antiga Roma|romans]] hesen reconquiesto a redolada, pero estió mientres o [[Imperio román]] quan se desembolicó una rota estable que lo trescruzaba, encara que en ixas envueltas yera una rota secundaria en contimparanza con o [[Puerto Palo]], per a on se feba a comunicación entre as actuals ciudatz de [[Zaragoza]] en a [[val de l'Ebro]] y [[Tolosa]] en a val d'a [[Río Garona|Garona]].

Sindembargo, en a [[Edat Meya]] a situación estió a la inversa. Encara que en primeras estió por o Puerto Palo per a on se feba a comunicación con o [[reino franco]] (en ye una prebatina a creyación d'o [[monesterio de Sant Per de Ciresa]]) dende que o [[condato d'Aragón]] controlaba a [[val de l'Aragón]] con a ciudat de [[Chaca]] y fació d'ista zaguera a suya [[Capital (politica)|capital]] a rota de comunicacions entre o condato y [[reino d'Aragón]] y os condatos occitans a o norte d'os Pireneus pasó a estar a rota dreita [[Chaca]]-[[Aulorón]] a traviés d'o col de Somport, per a on tamién os romans heban feito una [[vía romana]] secundaria. Asinas, estió per o col de Somport per a on pasaba o [[camín de Sant Chaime aragonés]], relegando a o Puerto Palo, que quedó mica en mica albandonato.