Cembo123

== Articlo [[Valentina Tereshkova]] ==

La mes gran part de las zagueras modificacions a l'articlo de [[Valentina Tereshkova]] consisten en cambiar uns caracters validos en aragonés por uns atros caracters que en unos casos son locals (me refiero a cosas como [[participio en aragonés|participio]]s en ''-ato'', de l'[[aragonés central]], nunca no han estau chenerals), u en atros vulgarismos trigaus la chent que comenzó en los 70-80 la normalización de l'aragonés pa fer-lo mes diferent de lo castellán (me refiero a lo de ''albandonar'' por ''abandonar'', estas parolas como ''alcordar'' en realidat son comuns en aragonés, castellán y atras luengas, no son ni exclusivas ni chenerals en aragonés, y coexisten en las mesmas localidatz, coexiste ''bueno'' con ''güeno''). Lo consello de l'academia ye "debant a dubda a etimolochía". Lo que define l'aragonés no ye que se pueda trobar una diferiencia mes gran con lo castellán, lo que define la identidat l'aragonés ye lo camín dende lo latín orichinal en Aragón seguindo las [[fonetica aragonesa|leis foneticas propias]], que no implican ixos vulgarismos pan-centro-hispanicos. En atros casos los cambios que has feito son expresions cultas que nusatros adaptamos u rescatamos de textos medievals (''posteriorment'') que sustituyen a expresions mes concretas (''mas tarde'') y que existen en aragonés y que de feito se documentan en los estudios filolochicos de l'aragonés actual. L'autor de l'articlo ye mayestro d'aragónés en Tarazona y tiene un buen coneiximiento de lo lexico aragonés, de las variants d'aragonés y de l'aragonés que s'escribiba en Tarazona, tenendo criterios pa trigar-ne las que ell creye mes convenients, en conclusión creigo que sería convenient de revertir los cambios.--[[Usuario:EBRO|EBRO]] ([[Descusión usuario:EBRO|discusión]]) 13:32 5 mar 2016 (UTC)