OA '''macizosierra d'a Monchoya''' u '''d'a Manchoya''' ye un [[macizo]] de materials [[sedimentación|sedimentarios]] [[era Mesozoica|mesozoicos]] situato en os [[Pireneu]]s d'[[Aragón]], concretament en as [[sierras interiors pirenencas]], en l'aria occidental d'o que actualment ye a [[Comarcas d'Aragón|comarca]] de [[Sobrarbe]]. A suya mayor altura ye a punta d'a Monchoya, que le da nombre, con 2033 [[Metros sobre o nivel d'a mar|msnm]].
O macizo d'a Monchoya, que popularment se conoix tamién como «[[sierracerro]]» d'a Monchoya/Manchoya, ye una d'as barreras naturals que delimitan o [[Sobrepuerto]], concretament por a [[valle d'Otal (Sobrepuerto)|valle d'Otal]], contra la [[valle de Broto]], en a qual a d'Otal afluye. Dende o punto d'envista de la dita valle d'Otal, a «sierra» d'a Monchoya determina toda la suya baixant oriental, en cheneral más [[solán|solana]], y la zarra dica alto, en as [[estiva]]s d'[[Otal]], a on que arriba a achuntar-se con o [[tozal de Pelopín]] a traviés d'una cresta u lumera en a que se concatenan [[cerro]]s menors, como o [[Tozal de Matils (Sobrepuerto)|tozal de Matils]] (1909 m).
