Diferencia entre revisiones de «Serbios de Bosnia y Herzegovina»

Contenido eliminado Contenido añadido
Pachina creyada con '{{pueblo |bandera = |imachen = 65px 65px65px |descripzió...'
 
Sin resumen de edición
Linia 28:
== Luenga ==
Os serbios de Bosnia y Herzegovina parlan [[idioma serbio|serbio]] con accento [[ijekavián]], pareixiu a lo d'os [[serbios de Croacia]] y de [[Montenegro]], y tamién a la parla d'os [[bosniacos]] y os [[crovates de Bosnia y Herzegovina]].
 
== Historia ==
Os otomans empentoron a repoblación d'o norte y l'ueste de l'actual Bosnia, y se fació sobretot con "vlacos"<ref name="ReferenceA">History of Bosnia-Herzegovina. Articlo tetulato ''Balcan States'' en a edición de l'año 2007 d'a [[Enciclopedia Britannica]]</ref>, que yera a denominación que recibiban os nativos cristians de Bosnia y no especificament a los que charraban [[idioma arrumán|arrumán]].
 
Quan a zaguers d'o [[sieglo XIX]] os austriacos establioron un protectorau en [[Bosnia y Herzegovina]] os cristians ortodoxos de Bosnia y Herzegovina ya heban encomenzau a desarrollar sentimientos d'identidat serbia por influencias transmesas dende os suyos vecins<ref name=DENNISBALCANS>{{fr}} [[Dennis P.Hupchick]], [[Harold E.Cox]]: ''Les Balkans. Atlas historique''. Ed Economica, 2008. pp 70-72.</ref>. En [[1902]] fue creyada l'asociación cultural ''Posveta'' con a fin d'instruir a la chent d'o medio rural y a los ninos d'as clases populars y financiada en part por [[Serbia]].
 
En [[1908]] o [[Imperio Austro-hongaro]] s'anexionó Bosnia y Herzegovina y encomenzó una campanya d'obras publicas de modernización que no s'heba visto en a rechión dende ixas envueltas de Napolión en as [[Provincias Ilirianas]]<ref name=DENNISBALCANS/>. A nueva situación creyada con carreteras, ferrocarrils y escuelas facilitoron a propagación d'o nacionalismo serbio entre os cristians ortodoxos de Bosnia y Herzegovina<ref name=MARKMAZOWERBALCANS>{{es}} [[Marl Mazower]]: ''Los Balcanes''. [[Mondadori]], 2001. p 168.</ref>.
 
O nacionalismo serbio en Bosnia y Herzegovina canalizó descontentos socials primero por a situación d'a chent d'a tierra y dimpués por l'aparición d'una nueva categoría de chóvens intelectuals serbios formaus por a ''Posveta'' pero sin guaires perspectivas<ref name=DENNISBALCANS/>.
 
Os austriacos no cambioron a situación de [[servitut]] de 4/5 d'a chent d'a tierra, que encara viviban en baixo o un orden feudal otomán que feba muito tiempo que heba deixau d'existir tanto en Serbia como en Croacia<ref name=MARKMAZOWERBALCANS/>. Bells mils de ''beys'' musulmans se perpetuaban como grans terratenients y exerceban un enorme poder a libel local sobre os cristians d'o medio rural<ref name=DENNISBALCANS/>.
 
Os chóvens intelectuals serbios yeran plens de resentimiento contra l'administración austriaca por una situación de paro, de pobreza y de manca de perspectivas. L'administración austriaca heba recurrito habitualment a los [[crovates]] pa chestionar. Se formó un movimiento dito ''[[Mlada Bosna]]'' ("[[Chóven Bosnia]]") con a fin de conseguir a independencia y reformas socials y evolucionó ta un grupo terrorista que en [[1912]] contactó con a organización ultranacionalista serbia [[Man Negra]].
 
L'actividat terrorista en Bosnia plegó dica o punto que en [[1914]] o miembro de ''Mlada Bosna'' [[Gavrilo Princip]] atentó en [[Sarajevo]] contra o hereu [[Francisco Ferrando d'Austria]], lo que representó o principio d'a [[primera Guerra Mundial]].
 
En a [[segunda Guerra Mundial]] Bosnia y Herzegovina quedó adintro d'o [[Estau Independient de Croacia]] y por a suya naturaleza montanyosa estió un scenario de guerra de guerrillas. Muitos serbios de Bosnia y Herzegovina participoron en a resistencia contra os nazis, fendo part d'a guerrilla monarquica serbia (os ''chetniks'') u d'a guerrilla comunista (os [[partisans yugoslavos|partisans]]). Bosnia y Herzegovina tamién estió un scenario de grans [[mortalera (delito)|mortalera]] por part de totz os bandos. Os serbios yeran victimas d'os [[ustaixa]]s crovates, devez que os [[chetnik]]s eliminaban os bosniacos y crovates d'as zonas que controlaban. A la fin vencioron os partisans yugoslavos como o solo bando capable de posar en practica un prochecto pa todas las nacionalidatz yugoslavas.
 
En a postguerra o rechimen [[Josip Broz Tito]] consiguió estabilidat y convivencia entre as diferents nacionalidatz, pero o [[decenio de 1990]] representó a descomposición de Yugoslavia. Bosnia y Herzegovina tornó a estar scenario de guerra. Os serbios de Bosnia y Herzegovina no acceptoron que a [[Republica Socialista de Bosnia y Herzegovina]] s'independizás de Yugoslavia en [[1992]] y reaccionoron con una violenta revuelta prenendo o control de buena part d'o suyo territorio en a conoixida como [[Guerra de Bosnia-Herzegovina]]. Os combatients serbios practicoron a [[limpieza etnica]] de población bosniaca y crovate en os territorios que podioron controlar, devez que os atros bandos tamién facioron mortaleras de serbios. Os [[acuerdos de paz de Dayton]] de [[1995]] dividioron Bosnia en dos entidatz pseudoestatals: a ''Federacija Bosne i Hercegovine'' ([[Federación de Bosnia y Herzegovina]]), y a ''Republika Srpska'' ([[Republica Serbia]]).
 
== Referencias ==
{{listaref}}
 
== Bibliografía ==
* {{fr}} [[Dennis P.Hupchick]], [[Harold E.Cox]]: ''Les Balkans. Atlas historique''. Ed Economica, 2008.
* {{fr}} [[Michel Sivignon]]: ''Les Balkans. Une géopolitique de la violence''. Belin, 2009.
* {{en}} [[Mark Mazower]]: ''The Balkans: From the End of Byzantium to the Present Day'' (Phoenix, 2002).
* {{en}} [[Jozo Tomasevich]]: ''War and Revolution in Yugoslavia, 1941-1945''. Stanford University Press, 2001.
* {{es}} [[Carlos Taibo]], [[José Carlos Lechado]] ''Los conflictos yugoslavos: una introducción''. Editorial Fundamentos 1994.
* {{es}} [[Francesc Bonamusa]]: ''Pueblos y naciones en los Balcanes. Siglos XIX y XX''. Akal 2010, p 78-82.
* {{es}} [[Felipe Fernández-Armesto]]: ''Los hijos de Zeus. Pueblos, etnias y culturas de Europa''. 1996 Grijalbo.
* {{es}} [[Amiram Gonem]]. ''Diccionario de los pueblos del mundo'' [[Editorial Anaya]].
 
[[Categoría:Pueblos eslavos]]