|
== Historia ==
{{Articlo principal|Historia de Montenegro}}
Os montenegrins son en o suyo orichen [[serbios]] establitos en principatos como [[Doclea]]/[[Zeta]] y atros d'a redolada. Os serbios montenegrins desarrolloron una identidat diferent por estar aislaus entre montanyas con respecto a los atros serbios, que amás yeran sozmesos a lo [[Imperio Otomán]].
O territorio actual de Montenegro corresponde a un territorio que [[Costantín Porfirocheneta]] situa bells principatos serbios como [[Zahumje]] y [[Zeta]]. Zeta esdevinió uno d'os dos prencipals estatos [[serbios]]. En o [[sieglo XI]] o ''knez'' [[Voislav]] fue succedito por Miguel a qui o Papa dió o títol de rei en l'anyo [[1077]]. Miguel establió a suya capital en [[Skadar]] ([[Shkkoder]]). Zeta dimpués fue dominata por [[Raška]].
En o marco d'os [[nacionalismo]]s d'o sieglo XIX os dirichents de Montenegro se percibiban ellos mesmos como serbios y deseyaban restaurar o imperio serbio medieval<ref name=FILLOSDEZEUS>{{es}} [[Felipe Fernández-Armesto]]: ''Los hijos de Zeus. Pueblos, etnias y culturas de Europa''. 1996 Grijalbo. pp 295-297.</ref>, por o que yeran rivals d'os dirichents d'a recient Serbia independient.
En o [[sieglo XIV]] os serbios d'a zona de Zeta tornan a tener dinastías locals, os [[Balsidas]], os [[Crnojevic]] (que tienen refirme [[Republica de Venecia|venecián]]). Iván IV ye vencito por os otomans y s'establix més a l'ueste, en os monts de [[Cetinje]], y o suyo estato será conoixito como ''Crna Gora'' en serbocrovata y Montenegro por os [[Republica de Venecia|venecians]].
Una vegada creyau o [[Reino d'os Serbios, Crovates y Eslovens]], (dimpués [[Reino de Yugoslavia]]), en o periodo d'entreguerras amaneixioron dos faccions oposadas entre os habitants de Montenegro: os "blancos" y os "verdes". Os "blancos" yeran partidarios cerrinos d'a unión con os serbios y s'oposaban a fer distincions entre serbios montenegrins y atros serbios. Os "verdes" reivindicaban una reorganización d'o reino sobre una base federal y no yeran conformes con o control d'o estau que teneban os serbios d'o gubierno de Belgrado<ref name=FILLOSDEZEUS/>
En [[1515]] Montenegro prene un nuevo estatuto, en teoría baixo sobranía otomana, en realidat qui manda ye un principe-bispe. Dimpués de [[Danilo]] a succesión pasa dende tío a sobrín en a familia d'os [[Petrovic Njegos]]. Danilo estableix relacions con a Rusia de [[Pero I de Rusia|Per o Gran]] en [[1711]] y en recibirá aduya. En estos tiempos que o centro politico serbio yera en o norte se produció a formación d'una identidat montenegrina deseparata d'a identidat [[Serbios|serbia]] cheneral.
En o [[decenio de 1980]] creixió o nacionalismo serbio en tot o territorio de l'antiga Yugoslavia, incluyiu Montenegro. Quan en [[1991]] encomienza a descomposición d'a [[Republica Federal Socialista de Yugoslavia]], y Montenegro permaneixe sin independizar-se y participa contra os [[crovates]] de [[Ragusa]] y [[Konavle]] en a [[Guerra d'independencia crovata]] chunto con os serbios d'[[Herzegovina]] oriental y o [[Exercito Federal Yugoslavo]]. O desarrollo d'as [[guerras yugoslavas de secesión]] fació creixer entre os montenegrins un deseyo de desvinclar-se de [[Serbia]], que heba quedau aislada y desprestichiada internacionalment. Muitos montenegrins reivindicoron a existencia d'una nacionalidat montenegrina diferent d'a nacionalidat serbia y amaneixió un montenegrismo<ref name=FILLOSDEZEUS/> que levó a la independencia de Montenegro en 2006.
En 1851 o poder se seculariza y o ''knez'' (principe) no ye bispe. Esclata una guerra contra os otomans, que son vencitos en 1858 en [[Grahovo]]. En 1875 bi ha una revuelta en [[Bosnia-Herzegovina]] y Montenegro y Serbia aprobeitan pa declarar a guerra a los otomans en 1876. O [[congreso de Berlín]] de 1878 reconoixió a independencia de Montenegro y permitió l'anexión de territorios a lo norte (una part d'[[Herzegovina]]) y l'este, a més d'un acceso a la mar en Bar ([[Antivari]]), més gran con l'anexión de Dulcigno en 1881.
En 1912 Montenegro pasa a estar un reino, y participa en a [[primera Guerra Balcanica]]. Os montenegrins asitian [[Shköder]] y por o tractato de Bucarest en 1913 Montenegro s'exampla con l'anexión d'a metat sud d'o [[Sanchak de Novi Pazar]] y d'a Rechión de [[Pec]]. O exercito montenegrín participó en a [[primera Guerra Mundial]] en o mesmo bando que Serbia, y acompanyó a lo exercito serbio en a suya retirata. [[Cetinje]] fue evacuata o [[27 d'aviento]] de 1915.
Quan remató a primera guerra mundial, os montenegrins yeran partidarios cerrinos d'a unión con os serbios. O [[26 de noviembre]] de 1918 un consello nacional aplegato en Podgorica destronó a lo rei Nikita y vota que Montenegro s'adhiba a lo [[reino de Serbios, Crovates y Eslovens]].
Os conflictos entre [[serbios]] y [[crovates]] marcoron a politica yugoslava d'o periodo d'entreguerras. Os montenegrins yeran de part d'os serbios. En a segunda Guerra Mundial Montenegro fue ocupato por os italians y o suyo territorio reducito. Os partisans ocupaban gran part d'o país.
En 1946 se constituye a [[Republica Socialista de Montenegro]] con o territorio de 1913 de fueras de [[Peć]], que pasa a lo Kosovo y con a inclusión d'as [[bocas de Cattaro]]. A capital se treslada dende [[Cetinje]] ta [[Podgorica]], con o nombre de [[Titograd]].
En 1991 encomienza a descomposición d'a [[Republica Federal Socialista de Yugoslavia]], y Montenegro permaneixe sin independizar-se. En abril de 1992 se creya una nueva [[Republica Federal de Yugoslavia]] con [[Serbia]] y [[Montenegro]] pero no ye reconoixita y que plegó a cambiar de nombre por [[Serbia y Montenegro]]. Dende 1993 os montenegrins encomienzan a querer desvinclar-sen de Serbia.
[[Categoría:Pueblos eslavos]]
| 