Abrir menú principal

Cambios

3001 bytes eliminados ,  hace 4 años
== Historia ==
{{Articlo principal|Historia de Montenegro}}
A historia de Montenegro como territorio individualizau d'as atras tierras balcanicas encomienza con a organización d'os [[serbios]] locals en chicotz principatos independients que dimpués s'organizan en reinos mes grans. Os habitants de Montenegro podioron mantener-sen independients d'os [[Imperio Otomán|otomans]] a diferencia d'os serbios d'atras zonas y desarrolloron una idendidat propia aislaus entre montanyas. Dimpués d'a [[primera Guerra Mundial]] os montenegrins s'unioron a los serbios y atros eslavos balcanicos en un prochecto estatal común, que continó dimpués d'a [[segunda Guerra Mundial]] con a [[Yugoslavia]] comunista, estando Montenegro o zaguer territorio yugoslavo en independizar-se.
O territorio actual de Montenegro corresponde a un territorio que [[Constantín Porfirocheneta]] situa bells principatos serbios como [[Zahumje]] y [[Zeta]]. Zeta esdevinió uno d'os dos prencipals estatos [[serbios]]. En o [[sieglo XI]] o ''knez'' [[Voislav]] fue succedito por Miguel a qui o Papa dió o títol de rei en l'anyo [[1077]]. Miguel establió a suya capital en [[Skadar]] ([[Shkkoder]]). Zeta dimpués fue dominata por [[Raska]].
 
En o [[sieglo XIV]] os serbios d'a zona de Zeta tornan a tener dinastías locals, os [[Balsidas]], os [[Crnojevic]] (que tienen refirme [[Republica de Venecia|venecián]]). Iván IV ye vencito por os otomans y s'establix més a l'ueste, en os monts de [[Cetinje]], y o suyo estato será conoixito como ''Crna Gora'' en serbocrovate y Montenegro por os [[Republica de Venecia|venecians]].
 
En [[1515]] Montenegro prene un nuevo estatuto, en teoría baixo sobranía otomana, en realidat qui manda ye un principe-bispe. Dimpués de Danilo a succesión pasa dejde tío a sobrín en a familia d'os Petrovic Njegos. Danilo estableix relacions con a Rusia de [[Pero I de Rusia|Per o Gran]] en [[1711]] y en recibirá aduya. En estos tiempos que o centro politico serbio yera en o norte se produció a formación d'una identidat montenegrina deseparata d'a identidat [[Serbios|serbia]] cheneral.
 
En 1851 o poder se seculariza y o ''knez'' (principe) no ye [[bispe]]. Esclata una guerra contra os otomans, que son vencitos en 1858 en Grahovo. En [[1875]] bi ha una revuelta en Bosnia-Herzegovina y Montenegro y Serbia aprobeitan pa declarar a guerra a los otomans en 1876. O congreso de Berlín de 1878 reconoixió a independencia de Montenegro y permitió l'anexión de territorios a lo norte (una part d'[[Herzegovina]]) y l'este, a més d'un acceso a la mar en Bar ([[Antivari]]), més gran con l'anexión de Dulcigno en 1881.
 
[[Image:Montenegro1913.png|thumb|250px|right]]
En 1912 Montenegro pasa a estar un reino, y participa en a [[I guerra balcanica]]. Os [[montenegrins]] asitian [[Shköder]] y por o tractato de Bucarest en 1913 Montenegro s'exampla con l'anexión d'a metat sud d'o [[Sanchak de Novi Pazar]] y d'a Rechión de [[Pec]]. O exercito montenegrín participó en a [[primera Guerra Mundial]] en o mesmo bando que Serbia, y acompanyó a lo exercito serbio en a suya retirata. Cetinje fue evacuata o [[27 d'aviento]] de 1915.
 
Quan remató a primera guerra mundial, os montenegrins yeran partidarios cerrinos d'a unión con os serbios. O [[26 de noviembre]] de 1918 un consello nacional aplegato en Podgorica destronó a lo rei Nikita y vota que Montenegro s'adhiba a lo [[reino de Serbios, Crovates y Eslovens]].
 
Os conflictos entre [[serbios]] y [[crovates]] marcoron a politica yugoslava d'o periodo d'entreguerras. Os montenegrins yeran de part d'os serbios. En a segunda Guerra Mundial Montenegro fue ocupato por os italians y o suyo territorio redueito. Os partisans ocupaban gran part d'o país.
 
En 1946 se constituye a [[Republica Socialista de Montenegro]] con o territorio de 1913 de fueras de [[Peć]], que pasa a lo Kosovo y con a inclusión d'as [[bocas de Cattaro]]. A capital se treslada dende Cetinje ta Podgorica, con o nombre de Titograd.
 
En [[1991]] encomienza a descomposición d'a [[Republica Federal Socialista de Yugoslavia]], Montenegro colabora con o gobierno de Yugoslavia en l'agresión a Croacia en a redolada de [[Ragusa (Croacia)|Ragusa]], permaneixe sin independizar-se. En abril de 1992 se creya una nueva [[Republica Federal de Yugoslavia]] con [[Serbia]] y Montenegro pero no ye reconoixita, dimpués cambió de nombre por [[Serbia y Montenegro]]. Dende 1993 os montenegrins encomienzan a querer desvinclar-sen de Serbia.
 
== Cultura ==
66 130

ediciones