Diferencia entre revisiones de «Basa de la Mora»

La '''Basa d'a Mora''' (''/'basa la 'mora/'') u '''ibón de [[Plan]]''' ye un [[ibón]] u lago que s'ha feto en una [[fondada de sobreexcavación glacial]]<ref>[[Ánchel Belmonte Ribas]] "Guía Geológica del Pirineo", Editorial Pirineo, 2003. pp110</ref> y se troba a'l cabo d'el camín d'as colladetas de ''l'Ibón'' y ''La Ribereta'', en a cuenca alta d'el ''barranco de l'Ibón'', que mes ta baixo s'achunta en [[Plan d'Escún]] con el [[río Cinqueta|Cinqueta]]. La basa tien per el canto este la [[Punta Meyodía]] y la [[Penya de las Once]] que tan conoixidas son en a [[val de Chistau]], y per l'ueste la [[Punta d'es Litars]] (2612m) que la encaixonan ta par de ''La Planeta de l'Ibón''. Entre totas chuntas fan el macizo de [[Cotiella]] en el municipio de Plan debant de [[Chistén]].

 

Deciban es güelos d'antes que dentro de l'augua d'el ibón i vive una [[mora (mitolochía)|reina mora]] que només que se puet viyere a'l fer-se de día el maitín d'el [[Sant Chuan]]. Amaneixe en l'augua d'el ibón fendo un baile, en el momento que el sol toca la superficie. Bien poquet a poquet la figureta inicial se'n torna una mullere tan berroya que fa blincare, que ye una princesa mora que va fuyere d'as guerras d'entre [[Islam|moros]] y [[cristianismo|cristianos]] y se va cubilare a'l puesto a saber es siglos.