Durada

Este articlo tracta sobre durada como concepto intervalo temporal. Pa atros usos de la parola durada vaiga durada (desambigación).

Durada (substantivo deverbal feito con de durar) ye l'acción y efecto de "durar" u lo intervalo de tiempo que bi ha dende lo comienzamiento dica la fin d'una acción u existencia.

Son eixemplos actuals d'uso en las parlas altoaragonesas:

Las fiestas teneban una durada de tres diyas.

Ista clase de tela ye de molta durada.

En aragonés medieval tamién se troba:

...Que aquel Regno era de mayor durada é mas firme, que por mayor justicia é razon se regia: car los que se rigen contra razon é violentament, no son durables...

...que durant los ditos diez anyos no mudare mi morada e habitacion de la dita aliama, mudamiento de firmeza et habitacion de durada, sino segunt dito es asuso, cessant todo genyo et art ni puerta de soltaria o sbaratamiento alguno al mundo,...