|
A redolada teneba muita importancia ta Loís o Chermanico, qui ninvió a la suya filla Hildegarda a un [[monesterio]] que se i trobaba (o [[Fraumünster]]), que seguntes a leyenda heba establito Loís dimpués de trobar-se con un [[Cervus elaphus|ciervo]] que portaba un [[crucifixo]] entre os suyos [[cuerno]]s amán d'o lugar, a canto d'o [[laco de Zúrich]]; sindembargo, se conoix que iste monesterio yera anterior, habendo-ie citas decumentals anteriors a [[853]].
En o [[sieglo X]] s'esboldregó o dominio carolinchio en o territorio, en confluir-ie as invasions d'os [[Hongaros (pueblo nomada)|hongaros]], que destruyoron [[Basilea]] en [[917]] y [[Sankt Gallen]] en [[926]], con as invasions d'os [[arabes]], que espulloron a redolada de l'actual [[cantón d'o Valais]] en [[920]] y tornoron un atra vegata en [[939]]. Nomás quan [[Otón I d'Alemanya|Otón I]] redotó a los hongaros en a [[batalla de Lechfeld]] en [[955]] os territorios de l'actual Suiza tornoron a pender d'o [[Sacro Imperio Román Chermanico]].
En [[999]], o rei [[Rodolfo III de Borgonya]] concedió o Valais como [[feudo]] a o [[Diocesi de Sion|bispe de Sion]], y quan [[Borgonya]] dentró a fer parte d'o Sacro Imperio RmánRomán Chemanico ixe feudo esdevinió o condato d'o Valais, anque ixes territorios fuoron gubernatos dende o [[sieglo XII]] por o [[ducato de Savoya]]. Antiparte, en o [[sieglo XII]] os [[Ducato de Zähringer|duques de Zähringer]] (d'a [[Casa de Zähringer]]) recibiron d'o Sacro Imperio o control de buena cosa d'o territorio borgonyón, encluyendoencluyindo-ie a mayor parte de l'actual Suiza que pendeba de Borgonya; os Zähringer establioron quantas ciudatz en o país, destacando-ie [[Freiburg im Breisgau]] (hue en [[Baden-Wurtemberg]], [[Alemanya]]) en [[1120]], [[Friburgo]] en [[1157]] u [[Berna]] en [[1191]]. Con a muerte de [[Berchtold V de Zähringer]] en [[1218]], as ciudatz que heban establito esdevinioron independients ''de facto'' y s'ubrió una luita entre ixas ciudatz y dos poders que pretendeban conquerir-las, os duques de Kyburg y os [[Casa d'Habsburgo|Habsburgo]].
[[Imachen:Andermatt-Teufelsbruecke.jpg|right|thumb|250px|En o [[paso de Sant Gothardo]], o muderno [[Puent d'o Diaple (Suiza)|Puent d'o Diaple]] (''Teufelsbrücke'') a traviés d'o [[paso de Schöllenen]] que sustituye a l'antigo [[puent]], que se veye en baixo.]]
Mientres o gubierno d'os [[Hohenstaufen]], os pasos ta trescruzar os [[Alpes]] (encluyendoencluyindo-ie o [[paso de Sant Gothardo]]) esdvenioron d'importancia estratechica, esdevenindo iste zaguer trango un camín dreito dica [[Milán]] que encara enampló a suya importancia en [[1198]] con a construcción d'o ''Teufelsbrücke'' (o [[Puent d'o Diaple (Suiza)|Puent d'o Diaple]]) en o [[paso de Schöllenen]] en o [[cantón d'Uri]]. En [[1240]] [[Frederico II d'o Sacro Imperio Román Chermanico]] atorgó o ''[[Reichsfreiheit]]'' (ye decir, una situación churidica amanata a l'independencia aintro del'Imperio) a la ciudat de [[Schwyz]] ta dixar istos territorios baixo o contol imperial dreito sin de dependencias feudals interposatas, enamplando una situación que en [[1231]] ya prencipió o suyo fillo [[Henrique VII d'o Sacro Imperio Román Chermanico|Henrique]] quan yera correchent y concedió o ''Reichsfreiheit'' a la [[Cantón d'Uri|val d'Uri]]. Antiparte, [[Unterwalden]] yera un territorio independient ''de facto'', en depender a mayor parte d'o territorio de quantos [[monesterio]]s que esdevenioron independients dende [[1173]] mientres o reinato de [[Frederico I Barbarroya]]; y [[Zúrich]] esdevenió una ciudat libre y semi-independent en [[1218]].
Quan s'extinguió a casa d'os duques de Kyburg, os [[Casa d'Habsburgo|Habsburgo]] esdeveniron o poder politico dominant en os territorios a o sud d'o [[río Rin]] y establioron l'alazet d'a suya posterior predominancia, estendillando-se enta o [[Tirol]] y enta os territorios de l'actual [[Austria]]. [[Rodolfo I de Habsburgo]] esdevenió emperador d'o [[Sacro Imperio Román-Chermanico]] en [[1273]], y prencipió una politica expansiva melitarment y politica, de traza que li caliacaleba establir nuevos impuestos en as suyas antigas tierras patrimonials ta financiar-la, y en estar o emperador prencipió tamién una politica de retallar a independencia politica d'as comunidatz semi-independients de Suiza. Antiparte, istos premitivosprimitivos cantons luitoron tamién dende o [[sieglo XIII]] contra a [[influencia politica|influencia]] d'o [[condato de Savoya]] que dende o sud pretendeba estendillar-se enta os territorios suizos. Asinas, o bispe de [[Sion]], sinyor feudal de bellos territorios mugants con Savoya mandó as suyas tropas a luitar contra os savoyans, recibindo l'aduya ta ixa luita d'a ciudat de [[Berna]].
=== L'Antiga Confederación Suiza ===
|
