Coldplay

COLDPLAY

Coldplay ye una banda britanica de pop rock formada en Londres en 1996. O grupo ye formau por Chris Martin, Jon Buckland, Guy Berryman y Will Champion. Aconsiguioron l'exito internacional con o lanzamiento d'o suyo sencillo «Yellow», seguiu por o suyo álbum debut, Parachutes (2000), que estió nominado a os Premios Mercury. O suyo segundo álbum, A Rush of Blood to the Head (2002) ganó multiples premios, incluiu o d'Álbum de l'Anyo seguntes o semanario NME. Manimenos que o suyo tercer álbum, X&Y (2005) no causó tanto entusiasmo, tenió igualment una recepción positiva. O quarto álbum d'estudeo d'a banda, Viva a Vida or Death and All His Friends (2008) estió produciu por Brian Eno y cheneró excelents criticas, plegando a recibir nominaciones a os premios Grammy y unatra clase d'homenajes.4 Coldplay ha vendiu internacionalment 50 millons de copias.5 Mylo Xyloto, o suyo quinto disco, se lanzó en octubre de 2011 y tenió una recepción critica matizada, amás d'estar l'álbum de rock con mas vendas en o Reino Uniu en dito anyo.

HISTORIA

Chris Martin y Jonny Buckland se conoixioron entre a suya semana d'orientación en a Universidat de Londres en setiembre de 1996, y estioron tractando de formar una banda entre a suya estancia en a universidat, plegando finalment a formar un grupo clamau Pectoralz.12 Posteriorment Guy Berryman, companyero de clase de totz dos, s'unió a o grupo. En 1997, a banda, renombrada Starfish ya heba empecipiau a tocar en clubs.13 Martin tamién convidó a o suyo viello amigo d'a escuela Phil Harvey, estudiant d'Oxford, ta que estase o mánager d'a banda.14 Dende alavez, Harvey ye o quinto miembro de Coldplay.15 Manimenos, a formación orichinal estió completada con Will Champion, encargau d'a percusión. Champion s'heba criau tocando o piano, a guitarra, o baixo y o tin whistle, pero aprendió a tocar a batería sin muito esfuerzo y sin experiencia previa.12 a banda adoptó finalment o nombre Coldplay tomando-lo d'amprau de Tim crompton, que heba usau dito nombre t'a suya propia banda.