Difference between revisions of "Vitis vinifera"

== Fitonimia ==
A vinya se cautiva dende muito antigo en a [[Peninsula Iberica]], fendo part de l'[[agricultura mediterrania]]. Por o enradigada que ye a tradición d'o suyo cautivo en o quadrant nordeste d'a peninsula, a terminolochía asociada a esta planta en [[idioma latín|latín]] pasó a las luengas romances peninsulars como l'[[idioma aragonés|aragonés]]. Esta terminolochía ye relativament bien conoixida por haber estau documentada en l'[[ALEANR]].<ref>{{es}} [[Manuel Alvar]]: ''Atlas lingüístico y etnográfico de Aragón, Navarra y Rioja''. [[Institución Fernando El Católico]]. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo II </ref>
 
A denominación de ''vit'' se documenta en [[aragonés meyeval|aragonés medieval]] en os "[[documentos en romanz de lo Monesterio de Sant Chuan de la Penya]]" ([[Sieglo XIV]]):
{{cita|asi los damos a vos, dita Horden de Sant Johan con entradas e exidas e pertenencias, las quales les pertenecen o pertenecer les deven del cielo entro a los [[abiso]]s, con sitios, [[paret]]es, [[fusta]]s, [[liena]]s, con gotas e goteras, con '''vites''', con arbores [[árbol fruital|fruytal]]es e non fruytales.<ref>[[Ana Isabel Lapeña Paúl]] ''Documentos en romance del monasterio de San Juan de la Peña (segunda serie, 1325-1399)'' ISSN 0214-7602, Nº 11, 1999 , págs. 295-342 [http://dialnet.unirioja.es/servlet/dcfichero_articulo?codigo=127550]</ref>}}
 
Un piet de vinya ye una ''cepa''. A vinya que puya por as paretz u que creixe refirmando-se en qualsiquier estructura ye una ''[[parra]]'' u ''[[parrera]]''. As [[branca]]s chovens d'a on salen as fuellas, os [[filo (botanica)|filo]]s y os carrazos son os [[ixarmiento]]s. Os filos tamién son conoixius como ''tiheretas'' (con castellanización fonetica), en muitos puestos por creixer a pars en os ixarmientos. A fuella d'a vinya se diz ''pámpano'' u ''pampano'', pero tamién se'n parla en plural como ''as pampas''. A [[chema]] d'a vinya se diz ''brotón''. O [[tegumento]] d'o fruito se diz ''[[borfollo]]'' (y variants) u ''pelello'' (y variants con castellanización fonetica). O fruito ye a [[uga]], a [[infrutescencia]] ye o [[carrazo]] (cheosinónimo sobre tot oriental) u [[racimo]] (cheosinonimo occidental caso que no siga castellanismo). A simient ye a [[pepita]], [[gran de uga]] u graneta.
66,130

edits