Les<div class="usermessage" align="center"> ▼
GALINO GALINÁS
Galino Galinás ye una leyenda mol antigua de la Ball
de Benás .
La conten a Sos y a Castilló y expllique com se ban
formá les lleres de Chia.
ISTA LEYENDA BA PASÁ A UN LLUGARET DEL SOLANO
QUE SE DIU SOS Y QUE ESTÁ SERCA DE CASTILLÓ.
A SOS YEBE UNA PRINCESA MORA QUE GUARDABE
UN CÁLIS SAGRAU. ISTO CÁLIS EL BICHILABEN DOS U
TRES SOLDATS.
ENFRENTE DE SOS ESTÁ CHÍA. ALLÍ YEBE UN MOSET
GUAPO Y MOL BALÉN QUE SE DIBE GALINO GALINÁS.
GALINO SE BA PROPOSÁ SACA-LE EL CÁLIS A LA PRINSESA
DE SOS.
UN DÍA, GALINO BA ENTRÁ AL PALASIO DE AL
PRINCESA, CUAN ELS SOLDATS DORMIBEN Y BA PILLÁ
EL CÁLIS Y BA SALRE CORRÉN COMA UN SIULET. ELS
SOLDATS SE BAN DESPERTÁ Y BAN CORRÉ A
ENRESTI-LO.
ELS SOLDATS LE GRITABEN:
- GALINO, GALINÁS
MALA FIN FARÁS
TU I ANIRÁS
PERO NO I TORNARÁS.
Y LE TIRABEN PEDRES Y PEDRES.
GALINO CORREBE Y CORREBE. DE REPÉN BA ARRIBÁ A LA RIBERA DEL RIU ESERA QUE BAIXABE DAN MOLTA
AIGUA.
SE BA QUEDÁ PARAU UN INSTANTE. ELS MOROS CASI ELS TENIBE DARRÉ A PUNTO DE PILLA-LO.
SE’N BA ACORDÁ DE LA SANTETA DE LA ENCONTRADA DE CHÍA, EL SUYO LLUGÁ Y LE BA RESÁ:
SANTETA DE LA ENCONTRADA, QUE PUESCA PASÁ
EL RIU Y TE DONARÉ EL CÁLIS.
LES AIGÜES DE L’ESERA SE BAN TANCÁ TA QUE GALINO PASASE Y ES MOROS SE BAN QUEDÁ SIN SABRE QUE FE.
CUAN SE BAN DONÁ CUENTA LE BAN SEGUÍ TIRÁN PEDRES
ELS MOROS LE GRITABEN A GALINO:
- GALINO GALINÁS
MALA FIN FARÁS.
Y GALINO SENTIBE COM LE PASABEN LES PEDRES PER ENSIMA DE LA CABESA.
LE BAN TIRÁ TANTES BORRUCADES QUE SE BA FORMÁ UNA LLERA, COMA SI FUESA UNA MONTAÑA DE PEDRES:
LES LLERES DE CHIA.
GALINO MOL CONTEN DE ABERSE SALBAU, LE BA LLEVÁ EL CALIS A LA SANTETA DE LA ENCONTRADA
Y LE BA DI QUE ESTABE MOL CONTEN DE ROBALE-IE A LA PRINCESA MORA.
▲Les<div class="usermessage" align="center">
Ista pachina encara no ha estato creyata. Si charras o dialecto benasqués puetz creyar una portalada en benasqués y prencipiar a escribir articlos en iste dialecto.
</div>
| 